Ғарқшавии 5 нафар тайи рӯзҳои истироҳатӣ дар Тоҷикистон: ду нафараш хоҳаронанд

© Sputnik / Стас ЭтвешТонущий человек, архивное фото
Тонущий человек, архивное фото  - Sputnik Тоҷикистон, 1920, 07.06.2021
Тайи рӯзҳои истироҳатӣ дар кӯлу дарёҳои Тоҷикистон панҷ нафар ҳалок шудаанд
ДУШАНБЕ, 7 июн – Sputnik. Кумитаи ҳолатҳои фавқулодаи Тоҷикистон мегӯяд, 5 нафар бо сабаби риоя накардани қоидаҳои бехатарӣ ва шиноварӣ дар ҷойҳои мамнӯъ ғарқ шуданд, ки 3 нафари онҳо кӯдакони ноболиғ мебошанд.
Ҳаминтавр, 6 июни ду хоҳар - 15 ва 11- сола, сокинони шаҳри Бӯстони вилояти Суғд, ҳангоми шиноварӣ дар дарёи Сир ғарқ шуданд. Ҷасади онҳоро ёфта ба пайвандонашон супурданд.
"Худи ҳамон рӯз, дар шаҳри Нораки вилояти Хатлон, як духтари 5-сола аз беэҳтиётӣ ва беназоратии волидон дар дарёи Вахш ғарқ шуд. Ҷустуҷӯи кӯдак идома дорад", - афзудааст манбаъ..
Дар рӯзҳои истироҳат, сокинони 19 ва 33-солаи минтақаҳои Варзоб ва Шуғнони ВМКБ дар дарёҳои Варзоб ва Кафарниҳон бо дағалона вайрон кардани қоидаҳои бехатарӣ ҳангоми оббозӣ ғарқ шуданд.
Учения спасательного отряда в водоеме, архивное фото - Sputnik Тоҷикистон, 1920, 07.06.2021
Ғарқшавии се наврас давоми як рӯз дар Тоҷикистон: танҳо ҷасади якеро ёфтанд
Ба гузориши КҲФ ҷасади сокини ноҳияи Варзоб дарёфт шуда, ҷустуҷӯйи ҷасади сокини ноҳияи Шуғнон идома дорад.
Кумитаи ҳолатҳои фавқулодаи кишвар бо изҳори ҳамдардӣ ба пайвандони ҳалокшудагон, бори дигар даъват кардааст, ки кӯдаконро беназорат нагузоранд ва дар ҷойҳои манъшуда оббозӣ накунанд ва ҳангоми шиноварӣ бехатариро риоят кунанд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала