Шавкат Мирзиёев и Эмомали Рахмон - Sputnik Тоҷикистон
Сафари расмии Шавкат Мирзиёев ба Тоҷикистон

Раҳмону Мирзиёев дар як консерти бузург дар Душанбе ширкат хоҳанд кард

© Пресс-служба президента ТаджикистанаПрезидент Узбекистана Шавкат Мирзиёев и президент Таджикистана Эмомали Рахмон
Президент Узбекистана Шавкат Мирзиёев и президент Таджикистана Эмомали Рахмон  - Sputnik Тоҷикистон, 1920, 08.06.2021
Дар консерти "Шоми дӯстӣ", ки 10 июн бо ҳузури президентҳои Тоҷикистону Ӯзбекистон дар "Кохи Борбад" барпо мешавад, 250 санъаткори тоҷику ӯзбек ҳунарнамоӣ мекунанд
ДУШАНБЕ, 8 июн - Sputnik. Беш аз 100 ҳунарманди Ӯзбекистон барои ширкат дар консерти "Шоми дӯстӣ" ба Душанбе омаданд.
Миёни онҳо мақомсароён, мутрибон, раққосон мебошанд. Ҷониби Ӯзбекистонро ҳунармандон - Озодбек Назарбеков, Фаррух Зокиров, Юлдуз Усмонова, Абдуҳошим Исмоилов, Элмурод Аҳмадов, гурӯҳи мақомсароён, ансамблҳои рақсии “Ӯзбекистон” ва “Тошкент зеболари” намояндагӣ хоҳанд кард.
Тибқи иттилои Вазорати фарҳанги Тоҷикистон, ҳайати ҳунармандонро вазири фарҳанги Ӯзбекистон Озодбек Назарбеков роҳбарӣ мекунад.
"Меҳмононро дар майдони ҳавоии Душанбе вазири фарҳанги Тоҷикистон Зулфия Давалатзода ва муовини аввали вазири фарҳанг Обид Назариён пешвоз гирифтанд", - омадааст дар хабар.
Гурӯҳи ҳунармандони Ӯзбекистон дар “Шоми дӯстӣ” - барномаи муштараки консертии устодони санъати Тоҷикистон ва Ӯзбекистон, ки дар маҷмааи давлатии "Кохи Борбад" баргузор мешавад, ҳунарнамоӣ хоҳад кард.
Президент Республики Таджикистан Эмомали Рахмон и президент Узбекистана Шавкат Мирзиеев на Международной выставке садоводства в Пекине ЭКСПО-2019 - Sputnik Тоҷикистон, 1920, 07.06.2021
Сафари расмии Шавкат Мирзиёев ба Тоҷикистон
Аз масъалаи марз то имзои 30 созишнома: Ӯзбекистон ҷузъиёти сафари Мирзиёевро ифшо кард
Ин консерт 10 июни соли равон бо ҳузури президентҳои Тоҷикистону Ӯзбекистон - Эмомалӣ Раҳмон ва Шавкат Мирзиёев баргузор мешавад.
Дар барномаи муштараки консертӣ аз ҷониби Тоҷикистон беш аз 150 ҳунарманди шинохтаи кишвар, аз ҷумла Давлатманд Холов, Адҳам Холиқов, Тулқун Тоҷибоев, Нигина Амонқулова, Ситораи Кароматулло, Муҳаммадрафӣ Кароматулло, ансамблҳои рақсии “Гулрез”, “Ҷаҳоноро”, “Лола”, “Парасту”, “Базморо” ва ансамбли давлатии “Шашмақом” ба номи Фазлиддин Шаҳобов, ҳунарнамоӣ мекунанд.
“Шоми дӯстӣ” дар дойираи сафари президенти Ӯзбекистон Шавкат Мирзиёев ба Тоҷикистон, ки рӯзҳои 10-11 июни соли 2021 анҷом мегирад, баргузор хоҳад шуд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала