Тавофуқи Эрону Тоҷикистон барои пайвасти шабакаҳои барқӣ

Линии электропередачи - Sputnik Тоҷикистон, 1920, 10.06.2021
Эрон ва Тоҷикистон бо такя бар зарурати пайвасти шабакаҳои барқи ду кишвар ба ҳамдигар аз тариқи масирҳои мавҷуд ба тавофуқ расиданд
ДУШАНБЕ, 10 июн — Sputnik. Чаҳордаҳумин иҷлоси Комиссиони муштараки ҳамкориҳои иқтисодӣ, тиҷорӣ, илмӣ, фарҳангӣ, фаннӣ ва иҷтимои Эрон ва Тоҷикистон, ки ахиран дар шаҳри Душанбе баргузор шуд, Эрону Тоҷикистон бо такя бар зарурати пайвасти шабакаҳои барқи ду кишвар ба ҳамдигар аз тариқи масирҳои мавҷуд ба тавофуқ расиданд, иттилоъ додааст хабаргузории ИРНА.
Дар поёни Чаҳордаҳумин иҷлоси Комиссиони муштараки ҳамкориҳои иқтисодӣ, тиҷорӣ, илмӣ, фарҳангӣ, фаннӣ ва иҷтимои Эрон ва Тоҷикистон, Ризо Ардакониён, вазири нерӯи Эрон ва Далери Ҷумъа, Вазири энержӣ ва захоири оби Тоҷикистон, санади поёнии иҷлосияи чаҳордаҳуми Комиссиони ҳамкориҳои ду кишварро имзо карданд.
Ду вазир ибрози умедворӣ карданд, ин санад мояи густариши равобити дуҷониба хоҳад шуд.
Министр финансов РТ провел встречу министром энергетики Ирана - Sputnik Тоҷикистон, 1920, 08.06.2021
Тоҷикистону Эрон тақвияти ҳамкории иқтисодию тиҷоратиро баррасӣ карданд
Ризо Ардакониён дар ин нишаст бо ишора ба иштирокҳо ва зарфиятҳои фароҳам дар ду кишвар дар заминаҳои мухталиф гуфт, бо вуҷӯди ҳосили тавофуқҳои бисёр хуб дар иҷлоси пешин, ниёз аст, ки дар ҷиҳати иҷрои тавофуқҳо иқдомҳои муассиртаре ба амал ояд.
Дар навбати худ Далери Ҷумъа, Вазири энержӣ ва захоири оби Тоҷикистон ва раиси тоҷикии комиссион низ гуфт, умед меравад баргузории ин ҷаласа мӯҷиби ҷаҳиши қобили тавваҷуҳ дар равобити Теҳрону Душанбе дар ҳамаи заминаҳо шавад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала