Панҷ таркишу сутуни оташ: сӯхтори даҳшатноки НФС дар Новосибирск – видео

Теъдоди қурбониёни сӯхтори шадид дар яке аз нуқтаҳои фурӯши сӯзишворӣ дар минтақаи Новосибирск ба 16 нафар расидааст
Дар яке аз нуқтаҳои фурӯши сӯзишворӣ дар ноҳияи Октябри Новосибирски Русия сӯхтори бузург ба амал омад. Таркиши зарфҳои моеъ дар маҳалли оташсӯзӣ идома дорад.
Хадамоти ҳолатҳои фавқулодда қайд карданд, ки шумораи қурбониёни сӯхтор дар нуқтаи фурӯши сӯзишворӣ ба 16 нафар расид. Панҷ нафари онҳо дар ҳолати вазнин қарор доранд. Кормандони КҲФ муборизаро бо оташ идома доранд.
Машина пожарной службы - Sputnik Тоҷикистон, 1920, 24.06.2020
Таркиш дар НФС дар ноҳияи Ёвон 8 захмӣ бар ҷой гузошт- навор аз ҷои ҳодиса
Айни замон, майдони оташ ба 800 метри мураббаъ расидааст.
Сӯхтор метавонад ба биноҳои амбори наздик паҳн шавад, хабар медиҳад ТАСС бо истинод ба Вазорати ҳолатҳои фавқулодаи Русия.
“Барои биноҳои истиқоматӣ таҳдид вуҷуд надорад. Барои хомӯш кардани оташ 70 нафар ва 20 таҷҳизот ҷалб карда шудаанд", - гуфтанд дар Раёсат.
Аз рӯи ҳодисаи мазкур, парвандаи ҷиноӣ барои риоя накардани талаботҳои бехатарӣ оғоз карда шуд.
Маълум аст, ки дар нуқтаи фурӯши сӯзишворӣ тақрибан панҷ таркиши шадид рух дод, ки мавҷи таконҳои онро сокинони хонаҳои ҳамсоя эҳсос карданд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала