Чин барои сохтмони роҳи Душанбе-Хоруғ-Қулма ба Тоҷикистон маблағи калон медиҳад

© Sputnik / Амир ИсаевМинистр транспорта РТ Азим Иброхим
Министр транспорта РТ Азим Иброхим - Sputnik Тоҷикистон, 1920, 17.06.2021
Обуна шудан
Чин ба Тоҷикистон барои сохтмон ва таҷдиди қитъаи Қалъаи Хумб — Ванҷи шоҳроҳи Душанбе-Хоруғ-Қулма то ноҳияи Рӯшон 203,9 млн доллар ҷудо менамояд
ДУШАНБЕ, 17 июн — Sputnik. Азим Иброҳим, вазири нақлиёти Тоҷикистон зимни баррасии масъалаи мазкур дар палатаи поёнии Парлумони Тоҷикистон гуфт, ки маблағҳои мазкур дар асоси грантӣ дода мешаванд, иттилоъ додааст хабаргузории “Авесто”.
Азим Иброҳим, вазири нақлиёт дар назди вакилон гуфт, қитъаи роҳи Қалъаихумб-Ванҷ-марзи ноҳияҳои Рӯшон яке аз минтақаҳои душворгузар ба ҳисоб рафта, ниёз ба таъмир дорад.

"Роҳи автомобилгарди Душанбе-Қулма ҷузъи долони байналмилалии нақлиётии роҳи автомобилгарди Осиё рақами 66 буда, барои таҳкими робитаҳои нақлиётӣ, тиҷорати иқтисодии Тоҷикистон бо Чин, Қирғизистон ва Афғонистон нақши муҳим мебозад",-афзуд вазир.

Дар иҷлосияи Маҷлиси намояндагон, ки 16 июн дар Душанбе баргузор гардид, зикр шуд, ки Тоҷикистон воридоти таҷҳизотро барои сохтмони ин қисмати роҳ аз андозҳо ва боҷҳои гумрукӣ озод мекунад.
Ремонт дороги, архивное фото - Sputnik Тоҷикистон, 1920, 14.05.2021
Роҳи Душанбе-Чанок таъмир мешавад
Дар шарҳи ин тасмим дар Маҷлиси намояндагон гуфта нашуд, ки барои сохтмони роҳ аз Чин ба Тоҷикистон чӣ теъдод корманд ва коргар оварда мешавад.
Бояд қайд кард, ки таъмири роҳ ҳам бар асоси қарордоди ду ҷониб аз сӯи ширкатҳои чинӣ анҷом мешавад.
Роҳи мошингарди Душанбе-Хоруғ-Қулма барои Тоҷикистон шоҳроҳи муҳими стратегии байналмилалӣ ба шумор меравад, вале бо вуҷуди ин қисматҳои зиёди он ноҳамвору хатарнок аст. Солона дар ин роҳ даҳҳо ронандаву мусофир ҷон медиҳанд. Як сабаби фалокатҳои маргбор низ харобии роҳ аст.
Строительство автомобильной дороги - Sputnik Тоҷикистон, 1920, 03.12.2020
Оғози сохтмони роҳи дорои 8 хати ҳаракат дар Душанбе бо пули Ҳинд
Дар даврони истиқлол тамоми шоҳроҳо аз Душанбе ба минтақаҳо ба шеваҳои гуногун бозсозӣ ва навсозӣ шуданд, ба истиснои роҳи асосии вилояти Бадахшон аз Қалъаи Хумб то Хоруғ ва идомаи он то сарҳади Чин. Аз нуқтаи назари иқтисодӣ ин роҳ аҳамияти зиёд дорад, зеро молҳои асосӣ аз Чин ба Тоҷикистон аз ҳамин роҳ ворид мешавад.
Ёдрас мешавем, ки Чин яке аз сармоягузорони асосӣ ба иқтисоди Тоҷикистон аст. Тоҷикистон аз Чин беш аз 1 миллиард доллар қарздор аст.
Лентаи хабарҳо
0