Мулоқоти Сироҷиддин Муҳриддин бо намояндаи олии Иттиҳоди Аврупо

© Вазорати корҳои хориҷӣ Мулоқоти Вазири корҳои хориҷии Тоҷикистон бо Намояндаи олии Иттиҳоди Аврупо оид ба корҳои хориҷӣ ва сиёсати амниятӣ

Мулоқоти Вазири корҳои хориҷии Тоҷикистон бо Намояндаи олии Иттиҳоди Аврупо оид ба корҳои хориҷӣ ва сиёсати амниятӣ
 - Sputnik Тоҷикистон, 1920, 18.06.2021
Мусоҳибон тақвияти муносибатҳои Иттиҳоди Аврупо ва Тоҷикистонро муҳим хонданд.
ДУШАНБЕ, 18 июн - Sputnik. Вазири корҳои хориҷии Тоҷикистон бо Намояндаи олии Иттиҳоди Аврупо оид ба корҳои хориҷӣ ва сиёсати амниятӣ мулоқот кард, хабар медиҳад Вазорати корҳои хориҷии кишвар.
Бино бар иттилои манбаъ, дар ҳошияи Форуми дипломатии Анталия, вазири корҳои хориҷии Тоҷикистон Сироҷиддин Муҳриддин бо намояндаи олии Иттиҳоди Аврупо оид ба корҳои хориҷӣ ва сиёсати амниятӣ Жозеп Боррелл мулоқот намуд.
Встреча Министра иностранных дел Таджикистана с Министром энергетики Ирана
 - Sputnik Тоҷикистон, 1920, 08.06.2021
Аз сиёсат то иқтисоду фарҳанг: мулоқоти Муҳриддин бо Ардакониён
"Дар вохӯрӣ масъалаҳои густариши ҳамкориҳои дуҷонибаи Тоҷикистону Иттиҳоди Аврупо, татбиқи Стратегияи нави Иттиҳоди Аврупо дар Осиёи Марказӣ ва амалисозии лоиҳаҳои муштарак мавриди баррасӣ қарор гирифтанд", - менависад дафтари матбуоти ВКХ.
Мусоҳибон тақвияти муносибатҳои Иттиҳоди Аврупо ва Тоҷикистонро дар чаҳорчӯби Шӯрои ҳамкорӣ, Кумитаи ҳамкорӣ, муколамаҳои сиёсӣ ва амниятӣ ва ҳуқуқи инсон муҳим хонданд.
Ҳамчунин гуфтугӯи судманд перомуни масоили марбут ба амнияту суботи минтақа, вазъ дар Афғонистон, хатари терроризму ифротгароӣ ва масъалаҳои рӯзномаи байналмилалӣ ва дигар мавзӯъҳои мавриди эҳтимоми муштарак сурат гирифт.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала