https://sputnik.tj/20210619/hushdor-fayzov-jalasai-amniyati-agar-jangjuyon-marzro-shikanand-aks-1040313906.html
Ҳушдорҳои Файзов дар ҷаласаи амниятӣ: агар ҷангҷӯён марзро шикананд? – акс
Ҳушдорҳои Файзов дар ҷаласаи амниятӣ: агар ҷангҷӯён марзро шикананд? – акс
Sputnik Тоҷикистон
Ёдгор Файзов, раиси ВМКБ ва сардори Минтақаи мудофиаи ҳудудии № 1 аз вазъ дар Афғонистон ҳушдор дода, тавзеҳ дод, ки дар сурати убури ҷангҷӯён ва фирориён дар марз чӣ бояд кард
2021-06-19T15:05+0500
2021-06-19T15:05+0500
2021-06-19T15:05+0500
дар тоҷикистон
амният ва мудофиа
афғонистон
мубориза
https://cdnn1.img.sputnik.tj/img/07e5/06/13/1040313637_0:0:960:540_1920x0_80_0_0_7c4b11bae25dff618d6982b85d235fec.jpg
ДУШАНБЕ, 19 июн - Sputnik. Сардори Минтақаи мудофиаи ҳудудии № 1, Ёдгор Файзов бо мақомдорони кишвар вазъи минтақа ва ҷаҳонро баррасӣ кард. Файзов дар хитоб бо мақомдорони ҳифзи ҳуқуқ ва низомӣ гуфт, вазъияти ноамн дар кишвари ҳаммарз - Афғонистон моро ҳушдор медиҳад, ки суботи дохилиро таъмин намоем. Котиботи раиси ВМКБ бо такя ба маълумоти расмӣ афзудааст, ки айни ҳол вазъият дар вулусволиҳои Бораку Зебок ва Моҳи Майи ҷумҳурии исломии Афғонистон мураккаб боқӣ монда, гурӯҳҳои тундрав аксари минтақаҳои сарҳадиро таҳти тасарруф қарор дода, ба инфрасохтори кишвари ҳамсоя хисороти моливу ҷониро ворид намуданд. Дар чунин шароит Ёдгор Файзов тақвият додани захираи моддиву техникӣ ва инсониро дар шаҳру ноҳияҳои ҳамсарҳади ВМКБ вазифаи муҳими кори аъзои минтақаи мудофиаи ҳудудии № 1 ном бурд. Ӯ зарур хондааст, ки ҷойҳои амн муайян ва мушаххас карда шаванду дар он захираи маводи сӯзишвориву хӯрок ва либосвориву нақлиёти зарурӣ фароҳам оварда шавад, чун ин дар ҳолатҳои эҳтимолии қабули гурезаҳои иҷборӣ аз хоки кишвари ҳаммарз муҳим мебошад. Раиси ВМКБ аз ҳамоҳангсозии нақшаи амал бо аҳолӣ ва кумаку дастгирии сарҳадбонон гуфта, таъкид намуд, ки ҳамкории сокинони деҳаҳои наздисарҳадӣ бо сарҳадбонон дар сатҳи зарурӣ ба роҳ монда шудааст ва ин амалро тақвият бояд дод. Ҳамчунин, роҳбари вилоят гузарондани машқҳои муштаракро муҳим хонда, бо ишора ба сарҳади тӯлонии ВМКБ бо Афғонистон таъкид намудааст, ки пурзӯр намудани фаъолияти минтақаҳои мудофиаи ҳудудӣ ба таври доимӣ ва дар ҳолати омодабош қарор доштани аъзои он зарур аст.
афғонистон
Sputnik Тоҷикистон
info@sputnik.tj
+74956456601
MIA „Rosiya Segodnya“
2021
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
тоҷикистон, афғонистон, вазъ, марз
тоҷикистон, афғонистон, вазъ, марз
Ҳушдорҳои Файзов дар ҷаласаи амниятӣ: агар ҷангҷӯён марзро шикананд? – акс
Ёдгор Файзов, раиси ВМКБ ва сардори Минтақаи мудофиаи ҳудудии № 1 аз вазъ дар Афғонистон ҳушдор дода, тавзеҳ дод, ки дар сурати убури ҷангҷӯён ва фирориён дар марз чӣ бояд кард
ДУШАНБЕ, 19 июн - Sputnik. Сардори Минтақаи мудофиаи ҳудудии № 1, Ёдгор Файзов бо мақомдорони кишвар вазъи минтақа ва ҷаҳонро баррасӣ кард.
Файзов дар хитоб бо мақомдорони ҳифзи ҳуқуқ ва низомӣ гуфт, вазъияти ноамн дар кишвари ҳаммарз - Афғонистон моро ҳушдор медиҳад, ки суботи дохилиро таъмин намоем.
Ӯ таъкид намуд, ки “дар ҳолатҳои эҳтимолии халалдор сохтани марзи давлатӣ баҳри муҳофизати хоки муқаддаси кишвар истодагарӣ намуда, аксуламали ҷавобиро аз худ нишон диҳем”.
Котиботи раиси ВМКБ бо такя ба маълумоти расмӣ афзудааст, ки айни ҳол вазъият дар вулусволиҳои Бораку Зебок ва Моҳи Майи ҷумҳурии исломии Афғонистон мураккаб боқӣ монда, гурӯҳҳои тундрав аксари минтақаҳои сарҳадиро таҳти тасарруф қарор дода, ба инфрасохтори кишвари ҳамсоя хисороти моливу ҷониро ворид намуданд.
Дар чунин шароит Ёдгор Файзов тақвият додани захираи моддиву техникӣ ва инсониро дар шаҳру ноҳияҳои ҳамсарҳади ВМКБ вазифаи муҳими кори аъзои минтақаи мудофиаи ҳудудии № 1 ном бурд.
Ӯ зарур хондааст, ки ҷойҳои амн муайян ва мушаххас карда шаванду дар он захираи маводи сӯзишвориву хӯрок ва либосвориву нақлиёти зарурӣ фароҳам оварда шавад, чун ин дар ҳолатҳои эҳтимолии қабули гурезаҳои иҷборӣ аз хоки кишвари ҳаммарз муҳим мебошад.
Раиси ВМКБ аз ҳамоҳангсозии нақшаи амал бо аҳолӣ ва кумаку дастгирии сарҳадбонон гуфта, таъкид намуд, ки ҳамкории сокинони деҳаҳои наздисарҳадӣ бо сарҳадбонон дар сатҳи зарурӣ ба роҳ монда шудааст ва ин амалро тақвият бояд дод.
Ҳамчунин, роҳбари вилоят гузарондани машқҳои муштаракро муҳим хонда, бо ишора ба сарҳади тӯлонии ВМКБ бо Афғонистон таъкид намудааст, ки пурзӯр намудани фаъолияти минтақаҳои мудофиаи ҳудудӣ ба таври доимӣ ва дар ҳолати омодабош қарор доштани аъзои он зарур аст.
