Люди в защитных масках в Душанбе, архивное фото - Sputnik Тоҷикистон
Мавҷи дуюми коронавирус дар Тоҷикистон: охирин хабару гузоришҳо
Дар Тоҷикистон сар аз 21 июн мавҷи дуюми бемории коронавирус сар зад

Холиқзода се сабаби асосии ваксинагирияшро номбар кард

© Сайт больницы Ибни СиноДиректор больницы Ибни Сино, Абдухалил Холикзода
Директор больницы Ибни Сино, Абдухалил Холикзода - Sputnik Тоҷикистон, 1920, 21.06.2021
Қаблан мудири Бемористони Ибни Сино пешниҳод намуд, ки дар масъалаи ваксин задани аҳолӣ набояд шитобкорӣ кард
ДУШАНБЕ, 21 июн - Sputnik. Ахиран мудири Бемористони Ибни Сино Абдухалил Холиқзода алайҳи маризии коронавирус эм гирифт. Дар ҳоле, ки ӯ қаблан ба шитобкорӣ роҳ надодан дар ин масъала даъват намуда буд.
Хабари ваксин гирифтанро худи Холиқзода дар сафҳаи Фейсбукияш гузошта шарҳ дод, ки чаро ӯ бо AstraZeneca эм шуд.
Мудири Бемористони Ибни Сино ваксингирии худро ба се омили асосӣ раб дод.
Ӯ мегӯяд, нахуст ин ваксин ба дармонгоҳи онҳо ворид шуд ва барои тамоми кормандон басандагӣ кард.
Омили дуввумро ба он рабт дод, ки антител - подтанҳои ӯ ба маротиб коҳиш ёфтанд.
Ва ниҳоят, ӯ хулосабарории коршиносони ғарбро иқтибос овардааст, ки гӯё оризаҳои эмкунӣ дар муқоиса ба оризаҳое, ки ин беморӣ ба вуҷуд меорад, бамаротиб заифанд.
Холиқзода ҳамзамон таъкид намуд, ки эмгузаронӣ танҳо роҳест, ки аз ин маризӣ метавон ҷилавгирӣ кард.
Флаконы с вакциной CoronaVac, разработанной китайской фирмой Sinovac - Sputnik Тоҷикистон, 1920, 21.06.2021
Коронавирус дар Русия ва ҷаҳон: охирин хабару гузоришҳо
Тоҷикистон 300 ҳазор воя ваксин алайҳи коронавирусро дастрас кард
Дар идома ӯ қайд намуд, ки бо коршиносон дар мавриди зарур будани эмгирӣ ҳамфикр аст ва аз шаҳрвандон даъват намуд, "агар ба ваксин гирифтан дастрасӣ дошта бошанд, пас бидуни дудилагӣ худро бо роҳи ваксингирӣ эмин намоянд".
Холиқзода ҳанӯз моҳи апрел дар сафҳаи Фейсбукии худ навишта буд, ки Тоҷикистон набояд дар масъала ваксин кардани шаҳрвандон шитоб кунад.
Ӯ аз ҷумла гуфта буд, ки ин ваксин ба таври лозима омӯхта нашудааст.
Олимони Оксфорд роҳи нави табобати фаврии коронавирусро пайдо карданд
"Шояд дар гузарондани он шитоб накунем, натиҷаи моҷарои кишварҳои ғарбиро интизор шавем ва агар ин воксан қобили эътимод дониста нашавад, аз он даст кашем ва воксани дигареро аз Covax дархост кунем? Бахусус бо назардошти он ки аксари мардуми мо ба таври табиӣ воксаншудаанд ва пандемӣ дар кишвар он шиддати ваҳмангезро надорад. Бе ин ҳам мо ба миқдори кофӣ ба ин вируси манҳус қурбонӣ додем, - навишта буд он замон Холиқзода.
Ёдовар мешавем, ки рӯзи гузашта ба Тоҷикистон 300 ҳазор воя ваксини истеҳсоли Чин ворид гардид.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала