Се кишвари ҳамзабон дар Туркия чиро баррасӣ карданд

© МИД РТГлава МИД РТ Сироджиддин Мухриддин и его колеега из Ирана Джавад Зариф
Глава МИД РТ Сироджиддин Мухриддин и его колеега из Ирана Джавад Зариф  - Sputnik Тоҷикистон, 1920, 22.06.2021
Обуна шудан
Вазири умури хориҷаи Тоҷикистон бо вазирони хориҷаи Туркия, Эрон, Афғонистон ва дастёри дабири кулли Созмони Милали Муттаҳид дидор кард
ДУШАНБЕ, 22 июн — Sputnik. Сироҷиддини Муҳриддин дар ҳошияи нишасти дипломатии Анталия, бо Муҳаммадҷаводи Зариф, вазири умури хориҷаи Эрон дидор кард, иттилоъ додааст дафтари матбуоти Вазорати хориҷаи Тоҷикистон.
Дар ин нишаст роҳҳои густариши равобити дуҷонибаи сиёсӣ, тиҷоратӣ, иқтисодӣ ва фарҳангӣ баррасӣ шуд.
Ҳамчунин дар ин мулоқоти тарафайн бар лузуми иҷрои тавофуқоти ҳосилшуда дар чаҳордаҳумин нишасти комиссияи муштараки Тоҷикистон ва Эрон, ки дар 7 ва 8 июни 2021 дар Душанбе баргузор шуд, таъкид карданд.
Вазири умури хориҷаи Тоҷикистон бо Мавлуд Човушуғлу, вазири умури хориҷаи Туркия низ мулоқот кард.
Новоизбранный президент Ирана Ибрахим Раиси - Sputnik Тоҷикистон, 1920, 20.06.2021
Расонаҳои Эрон: Иброҳим Раисӣ дар кишвар "асри нав" -ро оғоз мекунад
Дар ин дидор ҷонибҳо алоқаи худро ба тақвияти равобити дуҷонибаи сиёсӣ, тиҷорӣ, иқтисодӣ ва фарҳангӣ ва ҳамчунин тавсеаи ҳамкорӣ дар заминаи гардишгарӣ иброз карданд.
Дар дидори Сироҷиддини Муҳриддин бо Муҳаммадҳанифи Атмар, вазири умури хориҷаи Афғонистон, дар мавриди вазъияти феълӣ ва чашмандози ҳамкориҳои ду кишвар, авзои Афғонистон, ҳамкориҳои минтақаӣ дар раванди сулҳу субот дар ин кишвар, табодули назар шуд.
Вазири умури хориҷаи Тоҷикистон дар сафари кории худ ба Туркия бо Мирослав Ҷенка, дастёри дабири кулли Созмони Милал дар умури сиёсӣ ҳам дидор кард.
Дар ин дидор дар мавриди ҳамкориҳои муштарак дар заминаи об, тағйири иқлим, амнияти минтақаӣ, мубориза бо терроризм ва қочоқи маводи мухаддир баҳсу табодули назар шуд.
Лентаи хабарҳо
0