Қарори Ҳукумат: бонки нави ССБ ба ҷои “Агроинвестбонк” омаду пулаш 2 баробар зиёд шуд

© котиботи раисиҷумҳури ТоҷикистонМаҷлиси Ҳукумати Тоҷикистон, таҳти раёсати Эмомалӣ Раҳмон
Маҷлиси Ҳукумати Тоҷикистон, таҳти раёсати Эмомалӣ Раҳмон - Sputnik Тоҷикистон, 1920, 22.06.2021
Эмомалӣ Раҳмон бо имзои қарори Ҳукумат дафтари марказии бонки навтаъсиси “Саноатсодиротбонк” – ССБ - ро дар бинои хиёбони Саъдӣ Шерозӣ 21 муқаррар кард, ки қаблан дар он “Агроинвестбонк” ҷой гирифта буд
ДУШАНБЕ, 22 июн - Sputnik. Бар асоси қарори ҷадиди Ҳукумат, ки Эмомалӣ Раҳмон моҳи равон имзо кард, сармояи оинномавии “Саноатсодиротбонк” низ қариб ду баробар - аз 200 миллион сомонии қаблӣ то ба 380 миллион сомонӣ расонда шуд.
“Саноатсодиротбонк”, ки соли гузашта дар заминаи Фонди дастгирии соҳибкории назди Ҳукумати Тоҷикистон таъсис ёфту мақари асосиаш дар маркази Душанбе - кӯчаи Теҳрон 21 буд, ба хиёбони Саъдӣ Шерозӣ ба ҷои “Агроинвестбонк” кӯчидаст.
Ҳукумати Тоҷикистон таъкид намудааст, ки раёсати бонки мазкур масъули муайянсозии самтҳои асосии фаъолияти он буда, татбиқи онро назорат мебарад.
Тоджиксодиротбанк. Архивное фото - Sputnik Тоҷикистон, 1920, 26.05.2021
Маблағи муштариёни “Агроинвестбонк” ва “Тоҷиксодиротбонк” пардохт мешавад: кай ва чӣ гуна
Раисиҷумҳур Бобозода Ҳокимшо Ҷурахонро раиси раёсати Корхонаи воҳиди давлатии бонки саноативу содиротии ҷумҳурӣ “Саноатсодиротбонк” таъйин карда буд, ки пеш аз ин Фонди дастгирии соҳибкории назди Ҳукуматро роҳбарӣ мекард. Ғарибшозода Азизшо Қиматшо муовини якуми раис ва Шуҳрат Фаридун, муовини раиси “Саноатсодиротбонк” таъйин гардида буд.
Ин бонк дар пайи дастури Эмомалӣ Раҳмон таъсис дода шуд, ки соли гузашта дар паёмаш ба парлумон гуфта буд, ки Ҳукумат барои дастгирии соҳибкории хурду миёна, махсусан, дар соҳаҳои истеҳсолӣ ва содироткунандагони ватанӣ бонк таъсис диҳад.
Кӯчондани дафтари асосии “Саноатсодиротбонк” ба бинои пешини “Агроинвестбонк” дар ҳолест, ки ахиран Бонки миллӣ иҷозатномаҳои “Агроинвестбонк” ва “Тоҷиксодиротбонк” – ро бозхонд кард.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала