Тоҷикистон барои низомиён дар марзи Афғонистон ҳолати омодабош эълон кард

© AP / Rahmat GulСолдат Афганской национальной армии охраняет блокпост, архивное фото
Солдат Афганской национальной армии охраняет блокпост, архивное фото - Sputnik Тоҷикистон, 1920, 23.06.2021
Обуна шудан
Сарҳадбонон дар қисмати марзи ВМКБ ба ҳолати омодабош дароварда шуданд
ДУШАНБЕ, 23 июн — Sputnik. Тоҷикистон амният дар марз бо Афғонистонро тақвият дод, хабар медиҳад РИА Новости бо истинод ба раиси Вилояти Мухтори Кӯҳистони Бадахшон Ёдгор Файзов.
Марзбонон дар қисмати сарҳадии ВМКБ ба ҳолати омодабош гузаштанд.
"Вазъи хатарноки Афғонистон моро даъват мекунад, ки суботи дохилиро таъмин намоем, дар сурати вайрон кардани эҳтимолии сарҳади давлатӣ, марзбонон дар ҳолати омодабош мебошанд", - гуфт Файзов.
Сардори минтақа омодагии худро барои қабули гурезаҳои маҷбурӣ аз Афғонистон ҳангоми бадтар шудани вазъ дар марз эълон кард.
"Имкониятҳои иқтисодӣ ва сиёсии худро ба назар гирифта, мо омодаем беш аз 10 ҳазор гурезаҳои афғонро қабул кунем ва бораи онҳо ғамхорӣ кунем" , - ваъда додааст Файзов.
Зимнан, Ёдгор Файзов илова намуд, ки ҳоло вазири мудофиаи Тоҷикистон Шералӣ Мирзо дар минтақа қарор дорад ва вазъи марз бо Афғонистонро меомӯзад.
Ҷаласаи аъзои Минтақаи мудофиаи ҳудудии № 1 таҳти раёсати Ёдгор Файзов, раиси ВМКБ дар робита ба вазъи Афғонистон - Sputnik Тоҷикистон, 1920, 19.06.2021
Ҳушдорҳои Файзов дар ҷаласаи амниятӣ: агар ҷангҷӯён марзро шикананд? – акс
"Вазъ дар кишвари ҳамсоя маълум аст, ки хатарнок аст, аз ин рӯ, мо бояд ҳамеша дар ҳолати омодабош бошем", - илова кард раиси ВМКБ.
Қобили зикр аст, ки тайи 10 рӯзи охир дар Афғонистон дар чор минтақаи наздимарзӣ миёни нерӯҳои ҳукуматӣ ва ҷангиёни ҷунбиши радикалии Толибон (манъ дар Тоҷикистону ва Русия) бархӯрд идома дорад. Аллакай ҳашт ноҳия ва ду посгоҳи марзӣ таҳти назорати ҷангиён гузаштанд.
Низомиёни Афғонистон, ки дар пайи ҳамлаи аъзои созмони мамнӯъи Толибон ба қаламрави Тоҷикистон паноҳ бурдаанд - Sputnik Тоҷикистон, 1920, 22.06.2021
КДАМ дар бораи ҳамлаи "Толибон" ва фирори беш аз 100 низомии афғон ба Тоҷикистон
Рӯзи 21 июн ҷангиёни Толибон ба гузаргоҳи Шерхон-Бандар дар вилояти Қундуз ҳамла карданд. Бар асари ин ҳодиса шумораи кушташудагону асирон ва захмбардоштаҳо ба 100 нафар баробар шуд.
Илова бар ин, 134 нафар рӯзи 22 июн ба қаламрави Тоҷикистон фирор карданд.
Лентаи хабарҳо
0