"Ваксин нагирӣ - кунҷи зиндон ҷоят": таҳдиди президенти Филлипин ба мардум - навор

© Sputnik / Сергей Гунеев / Гузариш ба медиабонкПрезидент Республики Филиппины Родриго Дутерте
Президент Республики Филиппины Родриго Дутерте - Sputnik Тоҷикистон, 1920, 23.06.2021
Обуна шудан
Кишвардори Филиппин ба шаҳрвандон ҳушдор додааст, ки агар алайҳи коронавирус эм нагиранд, пас ӯ ваксини хукро истеҳсол мекунад, ки ҳам вирус ва ҳам худи онҳоро мекушад
ДУШАНБЕ, 23 июн — Sputnik. Вобаста ба авҷи маризии коронавирус дар ҳар кишвар маҳдудияту чораҳои пешгирикунанда пиёда мегарданд.
Аммо тасмиме, ки раисиҷумҳури Филиппин гирифтааст, шояд бесобиқа бошад.
Родриго Детерте шаҳрвандони Филиппинро ба гирифтани ваксин алайҳи коронавирус маҷбур намудааст, менависад The Guardian.
Изҳороти тунди Детерте пас аз он садо дод, ки шумораи умумии шаҳрвандони эмгирифта маълум шуд. Дар ин кишвар танҳо 1.8 дарсади аҳолӣ алайҳи вируси COVID - 19 ваксин гирифтаанду халос.
Ӯ дар муроҷиати худ ба шаҳрвандон гуфтааст, ки агар хоҳиши дар Филиппин истоданро дошта бошанд, пас бояд ҳатман эм гиранд, "дар акси ҳол ватанро тарк кунанд".
"Равед ба Амрико ё Ҳиндустон. Онҳое, ки ваксин гирифтан намехоҳанд, ман барои онҳо ваксини хукро омода мекунам, ки ҳам вирус ва ҳам худи онҳоро мекушад", - таҳдид намудааст кишвардори Филиппин.
Дар идома ӯ зикр намуд, ҷойи нафароне, ки аз гирифтани ваксин саркашӣ мекунанд - кунҷи зиндон аст.
Бар тибқи маълумоти ахир, дар Филиппин теъдоди сироятёфтагон аз маризии коронавирус ба 1 миллиону 36 ҳазор расидааст, ки аз ин миён 23,7 ҳазор бемор ҷон аз даст доданд.
Лентаи хабарҳо
0