Дипломи Донишгоҳи миллӣ ва омӯзгориро қалбакӣ месохтанд: боздошти гурӯҳи сохтакор-видео

На скамье подсудимых - Sputnik Тоҷикистон, 1920, 26.06.2021
Зимни боздошт аз ин гуруҳ 10 адад шаҳодатномаи ронандагӣ ва 3 адад дипломи қалбакии донишгоҳҳои олии кишвар гирифта шудааст
ДУШАНБЕ, 26 июн - Sputnik. Вазорати умури дохилии Тоҷикистон як гурӯҳро бо гумони сохтакории ҳуҷҷатҳо боздошт кардааст.
Тибқи гузориши ин ниҳод, боздоштшудаҳо Наимов Худойдоди 24 - сола, Ҳолҷигитов Умеди 47- сола, Гиёев Баҳроми 26 - сола, Мустаев Шаъбони 26 - сола сокинони ноҳияи шаҳритуси ва Бегов Фирӯзҷони 26 - сола сокини ноҳияи Ховалинг будаанд.
Ба иттилои манбаъ, номбурдагон дар чанд лаҳзаи ба таври сохтакорӣ омода кардани диплом ва шаҳодатномаи ронандагӣ гумонбар дониста мешаванд.
"Ҳангоми боздошт аз номбурдагон 10 адад шаҳодатномаи ронандагии ва 3 адад дипломи Донишгоҳи миллии Тоҷикистон ва Донишгоҳи омӯзгории Тоҷикистон, ки ба таври қалбакӣ омода карда шудаанд, ҳамчун далел дарёфт гардид", - афзудааст манбаъ.
Зимни бозпурӣ Фирӯзҷон Бегов, яке аз боздоштшудаҳо гуфт, ҳуҷҷатҳоро каси дигар омода кард, онҳо танҳо барои одамони ёфтаашон доданду сари ҳар кадом ҳуҷҷат 200 ва ё 300 сомонӣ гиританд.
Гуфта мешавад, нисбат ба боздоштшудаҳо парвандаи ҷиноӣ оғоз шуда тафтишот идома дорад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала