Дар Тоҷикистон беш аз 1 миллион атфол эм мешавад

© AFP 2023 / NARINDER NANUМедицинский работник вводит капли вакцины против полиомиелита ребенку
Медицинский работник вводит капли вакцины против полиомиелита ребенку - Sputnik Тоҷикистон, 1920, 29.06.2021
Обуна шудан
Дар Тоҷикистон сар аз имрӯз марҳилаи дуввуми эмгузаронӣ алайҳи фалаҷи атфол оғоз ёфт
ДУШАНБЕ, 29 июн — Sputnik. Марҳилаи дуввуми эмгузаронӣ алайҳи фалаҷи атфол дар Тоҷикистон оғоз ёфт.
Сухангӯи Вазорати тандурустӣ Эмомалӣ Мирзоев дар таъйиди ин хабар ба SputnikТоҷикистон гуфт, ваксинзанӣ аз имрӯз, 29 июн шурӯъ шуд.
Ба гуфтаи ӯ, ин навбат бояд ҳудуди 1.4 миллион кӯдак алайҳи ин беморӣ эм гирад. Дар навбати аввал беш аз 1.2 миллион кӯдак ваксин гирифтанд.
Эмгузаронии кӯдакон то 5 июл идома меёбад ва намояндагони вазорат аз тамоми шаҳрвандон даъват мекунанд, ки кӯдакони худро ҳатман ба марказҳои саломатӣ бурда, барои ҳифзи ҷон ва қавӣ намудани масунияташон эм кунанд.
Ҷараёни эмгузаронии атфол дар Тоҷикистон пас аз он ҷоннок гардид, ки аввали баҳори соли равон Созмони ҷаҳонии тандурустӣ аз хурӯҷи бемории полиомиелит ва ё фалаҷи кӯдаконаи намуди 2 дар мамлакат ҳушдор дода буд.
Вакцинация детей от полиомиелита  - Sputnik Тоҷикистон, 1920, 24.03.2021
Созмони ҷаҳонӣ дар изтиробу Вазорат хомӯш: аз хурӯҷи фалаҷ дар Тоҷикистон чӣ маълум аст?
Ба иттилои ин созмон, аввалин ҳолати сироятёбӣ ба фалаҷи кӯдакона дар вилояти Хатлон сабт шуда, моҳи март ин беморӣ дар деҳоти ноҳияи Ҳисор ба қайд гирифта шудааст.
Масъулини тандурустӣ яке аз сабабҳои пайдоиши бемориро ба хунукназарии бархе волидон ба эмгузаронӣ гуфтаанд.
Бино ба маълумоти Ташкилоти умумиҷаҳонии тандурустӣ, ба бемории фалаҷ асосан кӯдакони то панҷсола гирифтор мешаванд.
Дар Тоҷикистон одатан давоми 24 соати баъди таваллуди кӯдак ӯ бо ваксинаи зидди бемории фалаҷ, ки тариқи даҳон истифодашаванда мебошад, фаро гирифта мешавад. Баъдан ӯ дар 2-3 ва 4-моҳагӣ ин навъи ваксинаро қабул мекунад.
Дар Кӯлоб 72 фисади кӯдакони то синни 5 - сола эм гирифтанд
Мутахассисони соҳаи тиб бар онанд, ки дар 90-95 дарсади одамони сироятёфтаи вируси фалаҷ беморӣ бе ягон нишонаҳои клиникӣ мегузарад. Дар 4-8 фоизи сироятёфтагон беморӣ ба таври сабук мегузарад.
Лентаи хабарҳо
0