Путин дар бораи нақши ИҶШС дар ҶБВ қонуни нав имзо кард: аз Олмон қаҳрамон натарошед

© POOL / Гузаштан ба хазинаи аксПрезидент РФ Владимир Путин
Президент РФ Владимир Путин - Sputnik Тоҷикистон, 1920, 01.07.2021
ДУШАНБЕ, 1 июл — Sputnik. Президенти Русия Владимир Путин қонунеро имзо кард, ки баробарсозии нақши ИҶШС ва Олмони фашистиро дар Ҷанги Дуюми Ҷаҳон манъ мекунад.
Ҳамин тавр, тағйирот ба қонун "Дар бораи абадӣ гардондани Ғалабаи мардуми шӯравӣ дар Ҷанги Бузурги Ватании солҳои 1941-1945" ворид карда шуд.
Ҳуҷҷат дар торномаи расмии иттилооти ҳуқуқӣ нашр шудааст.
Лоиҳа мутобиқи дастурҳои Путин пас аз ҷаласаи Шӯрои фарҳанг ва санъати назди президент омода шудааст.
Роҳбари Кумитаи Думаи давлатӣ оид ба фарҳанг Елена Ямполская, ноиби якуми раиси палатаи поёнӣ Александр Жуков ва сенатор Алексей Пушков ин тарҳро барои баррасии вакилон пешниҳод карданд.
Эсминец Defender ВМС Великобритании  - Sputnik Тоҷикистон, 1920, 30.06.2021
"Иғво аст": Путин дар бораи эсминетси Бритониё дар Қрим
Дар шарҳи ин санад гуфта мешавад, ки вақтҳои охир дар расонаҳо, аз ҷумла ВАО - и Русия, изҳороти беасоси таҳқиромез нашр ва пахш мешаванд, ки дар онҳо ҳадафҳо, қарорҳо ва амалҳои роҳбарият, ҳайати фармондеҳӣ ва низомии Шӯравӣ бо ҷиноятҳои сарбозони фашистӣ ва вермахт баробар карда мешавад.
"Мо омехта ё муайян кардани амалҳои муҳофизони Ватан, онҳоеро, ки ҷони худро дар мубориза барои озодӣ ва истиқлолият қурбон карданд, бо амали сарбозони истилогар, онҳое, ки ба нобуд кардани халқҳо машғул буданд, шахсоне, ки дар содир намудани ҷиноятҳо мутобиқи ҳукми Трибунали ҳарбии байналмилалӣ оид ба мурофиа ва ҷазо додани ҷинояткорон (трибунали Нюрберг) гунаҳкор дониста шудаанд, қатъиян ғайриқобили қабул меҳисобем", - гуфтанд, муаллифони лоиҳа.
Ба ақидаи онҳо, ин қонун барои ноаён кардани корнамоии мардуми шӯравӣ имкон намедиҳад.
Президент РФ Владимир Путин , архивное фото - Sputnik Тоҷикистон, 1920, 09.05.2021
Владимир Путин саҳми Тоҷикистон дар пирӯзӣ дар ҶБВ - ро арзёбӣ кард
Ҳамзамон, имкони баҳсҳои илмӣ ва таҳқиқоти мавзӯъ боқӣ мемонад.
Ҳоло барои нақзи ин қонун таҳримҳо муқаррар нашудаанд.
Олмон 22 июни соли 1941 ба ИҶШС ҳамла кард. Муқовимат 1418 рӯз давом кард ва бо шикасти кишварҳои блоки фашистӣ ба поён расид. Қурбониёни ин ҳодисаи хунин, тақрибан 26,6 миллион шаҳрвандони шӯравӣ буданд, ки ин 40 фоизи тамоми талафоти Ҷанги Дуюми Ҷаҳонро ташкил медиҳад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала