Графическое изображение коронавируса - Sputnik Тоҷикистон, 1920
Мавҷи сеюми коронавирус дар Тоҷикистон: охирин хабару гузоришҳо
Мақомоти Тоҷикистон 21 январи соли 2022 аз бозгашти сеюмбораи коронавирус ба кишвар хабар доданд

Натарсед, коронавирус табобатшаванда аст: ташкили гуруҳҳои пешгирӣ аз COVID -19 дар Хуҷанд

© Sputnik / Амир Исаев / Гузариш ба медиабонкБазар "Панчшанбе" в городе Худжанде Таджикистан, архивное фото
Базар Панчшанбе в городе Худжанде Таджикистан, архивное фото - Sputnik Тоҷикистон, 1920, 02.07.2021
Обуна шудан
Дар шимоли Тоҷикистон барои ҷилавгирӣ аз паҳншавии COVID -19 гуруҳҳои махсус ташкил карда шудаанд
ДУШАНБЕ, 2 июл — Sputnik. Гуруҳҳои махсус дар нуқтаҳои гуногуни шаҳри Хуҷанд барои гирифтани пеши роҳи коронавирус корҳои фаҳмондадиҳиро мегузаронанд.
Тибқи иттилои котиботи раиси шуҳри Хуҷанд, Фирдавс Шарифзод, ки роҳбарии Ситоди шаҳрӣ барои пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID-19 - ро низ ба уҳда дорад, бо мақсади пешгирӣ аз бемории сироятии мазкур, гуруҳҳои корӣ ба минтақаҳои гуногуни шаҳр барои бурдани корҳои фаҳмондадиҳӣ сафарбар гардиданд.

"Гуруҳи корӣ дар мавзеъҳои серодам, аз ҷумла дар бозори марказии “Панҷшанбе” варақаҳои таблиғотиро тақсим карда, аз шаҳрвандон даъват намуданд, ки дар ин рӯзҳои мушкил ба таҳлукаву тарс дода нашаванд, балки бо риоияи гигиенаи шахсӣ саҳме дар рафъи ин беморӣ гузоранд", - омадааст дар иттилоия.

Ба иттилои манбаъ, таъкид шуд, ки бемории мазкур табобатшаванда аст ва пизишкони кишвар бо истифода аз имконияту дониши худ ба таври шабонарӯзӣ дар хидмати беморон қарор доранд.
Врачи и пациент в госпитале для зараженных коронавирусной - Sputnik Тоҷикистон, 1920, 01.07.2021
Рекорди серӯзаи марг аз коронавирус дар Русия
Котиботи шаҳрдорӣ афзуд, ки вазъи эпидемологӣ дар шаҳри Хуҷанд зери назорати қатъии Ситоди шаҳрӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID-19 қарор гирифта, аъзои ситод ҷиҳати пешгирӣ ва корҳои фаҳмондиҳӣ як қатор чорабиниҳоро пиёда намуда истодааст.
Тибқи иттилои расмии Вазорати тандурустӣ, аз аввали ҳамагирии сирояти коронавирус то то шоми 1 июл дар ҷумҳурӣ 13 523 нафар гирифтори ин беморӣ шуда, 13 318 кас шифо ёфтаанду бархе ҳанӯз табобат гирифта истодаанд. Теъдоди фавтидагон аз коронавирус аз аввали соли равон бетағйир монда, ҳамоно 90 нафар арзёбӣ мешавад.
Лентаи хабарҳо
0