Хабари хуш: вазъи сиҳатии академик Акбар Турсун беҳбуд ёфтааст

© Sputnik / Стас ЭтвешГрадусник с горячим чаем
Градусник с горячим чаем - Sputnik Тоҷикистон, 1920, 03.07.2021
Вазъи сиҳатии Акбар Турсун, яке аз чеҳраҳои маъруфи илми Тоҷикистон, ки аз маризии “вируси корона” ранҷ мебурд, беҳбуд ёфтааст
ДУШАНБЕ, 3 июл - Sputnik. Манбаъи Sputnik Тоҷикистон аз қавли наздикони ӯ гуфтанд, ки вазъи сиҳатиаш дар қиёс бо рӯзҳои гузашта беҳтар шуда, ҳоло озодона ҳарф мезанад.
“Устод қариб ду ҳафта ба ин сӯ бистарӣ буданд.Рӯзҳои аввал аз хориши гулӯ сурфаи хушк мезаданд ва бемадор шуда буданд. Ҳоло сурфаашон гум шуда, бемадориашон ҳам андак шудааст”, - гуфт ӯ.
Вай афзуд, "аз ҳамон оғоз Академияи улум барои табобаташон пизикшкони ботаҷрибаро эъзом кард ва онҳо муваффақ шуданд, то маризӣ ба шуши он кас нуфуз кунад".
Ба қавли ин манбаъ, Акбар Турсун дар манзили писари бузургаш дар шаҳри Душанбе табобат мегирад ва худро хуб ҳис мекунад.
Колбы с реагентами для экспресс-тестов на коронавирус - Sputnik Тоҷикистон, 1920, 19.05.2020
Иҷозати олими тоҷик барои санҷиши доруяш дар беморони COVID-19 дар Аврупо
Академик Акбар Турсун, доктори улуми фалсафа, яке аз чеҳраҳои намоёни илму фарҳанги Тоҷикистон аст, ки номаш дар қатори бузургоне, назири Лоиқ Шераливу Бозор Собир ва Муъмин Қаноат зикр мешавад.
Ӯ 82 сол дошта, ҳамоно бо пажӯҳишҳои илмӣ машғул аст. Акбар Турсун як замон директори Институти шарқшиносӣ (1986-1992) ва директори Институти забон, адабиёт, шарқшиносӣ ва мероси хаттии ба номи Рӯдакии Академияи улуми Тоҷикистон (2011-2015) ва дар замони ҷанги шаҳрвандӣ муҳаққиқи Маркази таҳқиқоти Шарқи Миёнаи Донишгоҳи Пенсилвания (Филаделфия, ИМА, 1994-1998) буд.
Ӯ муҳаққиқи фалсафа, шарқшиносӣ ва фарҳангшиносӣ буда, ҳудуди 300 мақолаву осори илмӣ, илмию оммавӣ ва публисистӣ дар масоили фалсафии улуми табиатшиносӣ, ҷиҳатҳои иҷтимоӣ, гносеологӣ ва аксиологии илм, проблемаи инсон ва кайҳон навиштааст.
Осори ӯ “Инсон, атом, кайҳон”, “Кайҳон ва ҷараёни дониши инсон”, “Банди фалак”, “Аз устура ба илм”, “Файласуф ва кайҳоншиносии муосир” ва ғайра ба ӯ шӯҳрати фаротар аз Тоҷикистонро додаанд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала