Асадулло Раҳмон ва Қурбон Ҳакимзода дар Данғара хатти обу роҳ кушоданд

© Дафтари матбуоти раиси вилояти Хатлон Ёвари президент Асадулло Раҳмон ва раиси вилояти Хатлон Қурбон Ҳакимзода
Ёвари президент Асадулло Раҳмон ва раиси вилояти Хатлон Қурбон Ҳакимзода - Sputnik Тоҷикистон, 1920, 05.07.2021
Дар ноҳияи Данғара як зумра иншооти ҷашнӣ мавриди истифода қарор гирифт
ДУШАНБЕ, 5 июл — Sputnik. Имрӯз бо иштироки раиси вилояти Хатлон Қурбон Ҳакимзода ва роҳбари гурӯҳи кории омодагӣ ба ҷашни 30-солагии Истиқлол дар ноҳияи Данғара Асадулло Раҳмон дар ҷамоати деҳоти Сангтудаи ноҳияи мазкур 11 километр роҳи мошингард ба истифода дода шуд.
Дар ин бора дафтари матбуоти раиси вилояти Хатлон гузориш медиҳад.
Бино бар иттилои манбаъ, дар ин ноҳия сохтмони як зумра иншооти дигари ҷашнӣ, ки бо ташаббуси соҳибкорони маҳаллӣ сурат мегиранд, оғоз гардиданд.
Роҳи мошингарди ҷамоати деҳоти Сангтуда дар фурсати кутоҳ ва ҷавобгӯ бо стандартҳои ҷаҳонӣ сохта шуда, ронандагон гуфтанд, "акнун роҳи 40 дақиқаро дар 20 дақиқа бе мушкилӣ тай мекунем", - афзудааст манбаъ.
© Дафтари матбуоти раиси вилояти Хатлон Сохтмони хати оби нӯшокӣ барои чорво ва сокинон дар деҳаи Навобод
 Сохтмони хати оби нӯшокӣ барои чорво ва сокинон дар деҳаи Навобод - Sputnik Тоҷикистон, 1920, 05.07.2021
Сохтмони хати оби нӯшокӣ барои чорво ва сокинон дар деҳаи Навобод
Дар ин рӯз, ҳамзамон татбиқи лоиҳаи сохтмони хати оби нӯшокӣ барои чорво ва сокинон дар деҳаи Навобод оғоз гардид.
Хати оби нӯшокӣ барои 377 оила пешбинӣ гардида, тасмим гирифта шудааст, ки дар наздиктарин фурсат деҳаҳои атроф низ бо об таъмин карда шаванд.
Роҳбари гурӯҳи кории омодагӣ ба ҷашни 30-солагии Истиқлоли давлатии Ҷумҳурии Тоҷикистон дар ноҳияи Данғара Асадулло Раҳмон миннатдории хешро ба соҳибкорон расонидааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала