https://sputnik.tj/20210705/daler-nazarov-virus-korona-giriftor-1040663175.html
Беморӣ баъди сафар: Далер Назаров аз вируси корона дар хона табобат мегирад
Беморӣ баъди сафар: Далер Назаров аз вируси корона дар хона табобат мегирад
Sputnik Тоҷикистон
Далер Назаров, овозхон ва оҳангсози маъруфи тоҷик, низ аз маризии “вируси корона” бистарӣ шудааст
2021-07-05T18:29+0500
2021-07-05T18:29+0500
2021-08-10T17:02+0500
дар тоҷикистон
тандурустӣ
далер назаров
мавҷи сеюми коронавирус дар тоҷикистон: охирин хабару гузоришҳо
коронавирус
https://cdnn1.img.sputnik.tj/img/102681/23/1026812371_0:50:1080:658_1920x0_80_0_0_25d9331ea62d928f9445c1d0f6d3c858.jpg
ДУШАНБЕ, 5 июл — Sputnik. Яке аз наздикони ӯ ба Sputnik Тоҷикистон гуфт, аломатҳои ин маризӣ қариб як ҳафта қабл дар ӯ падид омада, алҳол дар хонаи писараш дар Душанбе табобат мегирад. Далер Назаров, яке аз хушномтарин овозхонон ва оҳангсозони тоҷик, 8 сентябри соли 1959 дар шаҳри Душанбе таваллуд шуда, хатмкардаи факултаи филологияи руси Донишгоҳи омӯзгории Тоҷикистон аст, аммо кори омӯзгориро накард ва пурра ба мусиқӣ пардохт. Аксари таронаҳои ӯ хитҳоеанд, ки то ба ҳол тозагиву ҷазабаи худро гум накардаанд ва шӯҳрати ӯро ба хориҷ аз марзҳои Тоҷикистон бурдаанд, аз қабили "Турки шерозӣ", "Эй парӣ" ва "Чак-чаки борон", ки дар солҳои 80 – уми асри гузашта офарида шудаанд. Яке аз хитҳои охирини ӯ таронаи “Мастам” аст, ки солҳо ба ин сӯ зеби маҳофил шудааст. Далер Назаров ҳудуди 10 албуми тарона нашр кардааст. Таронаҳои ӯро овозхонҳои Русия, Ӯзбекистон, Туркия, Қазоқистон ва дигар кишварҳо бозхонӣ кардаанд. Аммо олами мусиқии ӯ бо тарона маҳдуд намешавад. Аз соли 1979 ба ин сӯ, ӯ барои ҳудуди 30 филм низ оҳанг навиштааст, ки маъруфтаринҳояшон “Нисо”, “Бут”, “Падари маҳтобӣ”, “Қиёми рӯз” ва ғайра мебошанд.Он чӣ осори Далер Назаровро дилангез кардааст, ангезиши мусиқии миллии тоҷикӣ бо мусиқии модерн аст, ки дар мусиқии тоҷику форс назир надорад ва маъмулан сухан аз мусиқии модер равад, аввалин ишораҳо ба сӯи ӯ мешаванд. Вижагии дигари ӯ ин аст, ки дар чанд сол як тарона эҷод мекунад, аммо тоҷиконаву мондагор ва бидуни таъсирпазирӣ аз мусиқиҳои бегона. Аз сӯи дигар, ӯ як ҷаҳонбинӣ ва шеваи зиндагии сӯфиёна дорад, ки на фақат шахсият, балки осори ӯро низ дар миёни ҳамтоёнаш вижа ва то ҷое пурроз кардааст.
https://sputnik.tj/20210705/koronaviru-muovin-rahmon-joyguzin-alizodaro-1040662758.html
Sputnik Тоҷикистон
info@sputnik.tj
+74956456601
MIA „Rosiya Segodnya“
2021
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
далер назаров коронаиврус мариз
далер назаров коронаиврус мариз
Беморӣ баъди сафар: Далер Назаров аз вируси корона дар хона табобат мегирад
18:29 05.07.2021 (Навсозишуда: 17:02 10.08.2021) Далер Назаров, овозхон ва оҳангсози маъруфи тоҷик, низ аз маризии “вируси корона” бистарӣ шудааст
ДУШАНБЕ, 5 июл — Sputnik. Яке аз наздикони ӯ ба Sputnik Тоҷикистон гуфт, аломатҳои ин маризӣ қариб як ҳафта қабл дар ӯ падид омада, алҳол дар хонаи писараш дар Душанбе табобат мегирад.
“Пас аз сафарҳояш ба Хуҷанду Бадахшон, ки ҳафтаҳои қабл анҷом гирифт, якбора вазъи сиҳатиаш хароб шуд. Ҳоло хеле вазъаш хуб аст ва ҷое барои нигаронӣ нест”, - гуфт манбаъ.
Далер Назаров, яке аз хушномтарин овозхонон ва оҳангсозони тоҷик, 8 сентябри соли 1959 дар шаҳри Душанбе таваллуд шуда, хатмкардаи факултаи филологияи руси Донишгоҳи омӯзгории Тоҷикистон аст, аммо кори омӯзгориро накард ва пурра ба мусиқӣ пардохт.
Аксари таронаҳои ӯ хитҳоеанд, ки то ба ҳол тозагиву ҷазабаи худро гум накардаанд ва шӯҳрати ӯро ба хориҷ аз марзҳои Тоҷикистон бурдаанд, аз қабили "Турки шерозӣ", "Эй парӣ" ва "Чак-чаки борон", ки дар солҳои 80 – уми асри гузашта офарида шудаанд.
Яке аз хитҳои охирини ӯ таронаи “Мастам” аст, ки солҳо ба ин сӯ зеби маҳофил шудааст.
Далер Назаров ҳудуди 10 албуми тарона нашр кардааст. Таронаҳои ӯро овозхонҳои Русия, Ӯзбекистон, Туркия, Қазоқистон ва дигар кишварҳо бозхонӣ кардаанд. Аммо олами мусиқии ӯ бо тарона маҳдуд намешавад. Аз соли 1979 ба ин сӯ, ӯ барои ҳудуди 30 филм низ оҳанг навиштааст, ки маъруфтаринҳояшон “Нисо”, “Бут”, “Падари маҳтобӣ”, “Қиёми рӯз” ва ғайра мебошанд.
Он чӣ осори Далер Назаровро дилангез кардааст, ангезиши мусиқии миллии тоҷикӣ бо мусиқии модерн аст, ки дар мусиқии тоҷику форс назир надорад ва маъмулан сухан аз мусиқии модер равад, аввалин ишораҳо ба сӯи ӯ мешаванд.
Вижагии дигари ӯ ин аст, ки дар чанд сол як тарона эҷод мекунад, аммо тоҷиконаву мондагор ва бидуни таъсирпазирӣ аз мусиқиҳои бегона. Аз сӯи дигар, ӯ як ҷаҳонбинӣ ва шеваи зиндагии сӯфиёна дорад, ки на фақат шахсият, балки осори ӯро низ дар миёни ҳамтоёнаш вижа ва то ҷое пурроз кардааст.
