https://sputnik.tj/20210705/natijai-boziho-davri-chempionat-tojikiston-istiqlol-1040647211.html
Натиҷаи бозиҳои даври 12 - уми чемпионати Тоҷикистон: "Истиқлол" ба ҷои дуюм баромад
Натиҷаи бозиҳои даври 12 - уми чемпионати Тоҷикистон: "Истиқлол" ба ҷои дуюм баромад
Sputnik Тоҷикистон
Кумитаи миллии олимпии Тоҷикистон аз натиҷаи бозиҳои даври дувоздаҳуми Чемпионати ҷумҳурӣ дар риштаи футбол миёни дастаҳои лигаи олӣ хабар дод
2021-07-05T13:15+0500
2021-07-05T13:15+0500
2021-07-05T13:16+0500
дар тоҷикистон
навигариҳои варзиши тоҷикистон
хуҷанд
футбол
https://cdnn1.img.sputnik.tj/img/07e5/04/19/1039021198_0:0:1201:676_1920x0_80_0_0_5584494d783201615b32702c5db49154.jpg
ДУШАНБЕ, 5 июл — Sputnik. Кумитаи миллии олимпӣ мегӯяд, дастаи “Истиқлол” дар ин давр бар тими нави лигаи олӣ – “Эсхата” бо ҳисоби 5:1 ғалаба карда, бо 17 хол ба ҷои дуюми ҷадвали чемпионат баромад.Дар ҳайати тими Душанбе Рустам Соиров 3 гол зад. Ду голи дигари ин дастаро Манучеҳр Ҷалилов ва Алишер Ҷалилов заданд. Голи тими “Эсхата”-ро Мубинҷон Муъминов ба номаш сабт кард.Дар бозии дигар “Хуҷанд” дар сафар бар тими “Файзканд” бо ҳисоби 2:0 пирӯз шуд. Дастаи Хуҷанд се холро тавассути зарбаҳои нишонраси Артём Сердюк ва Дилшод Бозоров ба даст овард, тавзеҳ дод Кумита. Манбаъ афзуд, дастаи “Равшан” аз тими КМВА бо ҳисоби 1:2 шикаст хурд. Наврӯз Рустамов ба фоидаи тими Кӯлоб дар дақиқаи 44 ҳисобро кушод. Артишиҳо тавассути зарбаи нишонраси Элчибек Рашидбеков дар дақиқаи 58 ҳисобро баробар намуданд. Голи ғолибиятро Шодибек Ғаффоров дар дақиқаҳои иловагии вақти асосии бозӣ (90+4) зад. Дастаи “Истаравшан” дар майдони худ бар тими “Душанбе” бо ҳисоби 2:0 пирӯз шуд. Ҳар ду голро Илҳом Баротов зад. Ниҳоят, бозӣ миёни дастаҳои “Куктош” – “Хатлон” мусовӣ (3:3) анҷом ёфт. Бозингари тими “Куктош” Алишер Холмуродов дар дақиқаи 19 ба дарвозаи дастааш гол зад. Нуриддин Ҳамроқулов дар дақиқаи 53 ҳисобро афзуд. Пас аз 5 дақиқа Муҳаммадшарифи Саидхоҷа голи якуми тими “Куктош”-ро зад. Суҳроб Раҳмонов бозингари “Куктош” дар дақиқаи 68 ба фоидаи бохтариҳо ба дарвозааш гол зад – 1:3. “Куктош” тавассути зарбаҳои нишонраси Шарафҷон Солеҳов дар дақиқаи 90+1 ва Амирҷон Сафаров (90+4) аз бохт раҳо ёфт. Бозиҳои даври сенздаҳуми Чемпионати Тоҷикистон оид ба футбол миёни дастаҳои лигаи олӣ 10 -11 июл баргузор мешаванд. Дар ин давр КМВА бо “Истиқлол”, “Хатлон” бо “Равшан”, “Хуҷанд” бо “Истаравшан”, “Душанбе” бо “Куктош”, “Эсхата” бо “Файзканд” вомехуранд. Кумита таъкид намуд, ки қабл аз ин давр 7 июл бозии мавқуфмондаи даври 3-юм миёни дастаҳои “Истаравшан” – “Истиқлол” доир мешавад.
https://sputnik.tj/20210623/futbol-dustonam-baghoj-habsi-donishju-1040401103.html
хуҷанд
Sputnik Тоҷикистон
info@sputnik.tj
+74956456601
MIA „Rosiya Segodnya“
2021
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
тоҷикистон, олимпӣ, кумита, ришта, футбол
тоҷикистон, олимпӣ, кумита, ришта, футбол
Натиҷаи бозиҳои даври 12 - уми чемпионати Тоҷикистон: "Истиқлол" ба ҷои дуюм баромад
13:15 05.07.2021 (Навсозишуда: 13:16 05.07.2021) Кумитаи миллии олимпии Тоҷикистон аз натиҷаи бозиҳои даври дувоздаҳуми Чемпионати ҷумҳурӣ дар риштаи футбол миёни дастаҳои лигаи олӣ хабар дод
ДУШАНБЕ, 5 июл — Sputnik. Кумитаи миллии олимпӣ мегӯяд, дастаи “Истиқлол” дар ин давр бар тими нави лигаи олӣ – “Эсхата” бо ҳисоби 5:1 ғалаба карда, бо 17 хол ба ҷои дуюми ҷадвали чемпионат баромад.
Дар ҳайати тими Душанбе Рустам Соиров 3 гол зад. Ду голи дигари ин дастаро Манучеҳр Ҷалилов ва Алишер Ҷалилов заданд. Голи тими “Эсхата”-ро Мубинҷон Муъминов ба номаш сабт кард.
Дар бозии дигар “Хуҷанд” дар сафар бар тими “Файзканд” бо ҳисоби 2:0 пирӯз шуд. Дастаи Хуҷанд се холро тавассути зарбаҳои нишонраси Артём Сердюк ва Дилшод Бозоров ба даст овард, тавзеҳ дод Кумита.
Манбаъ афзуд, дастаи “Равшан” аз тими КМВА бо ҳисоби 1:2 шикаст хурд. Наврӯз Рустамов ба фоидаи тими Кӯлоб дар дақиқаи 44 ҳисобро кушод. Артишиҳо тавассути зарбаи нишонраси Элчибек Рашидбеков дар дақиқаи 58 ҳисобро баробар намуданд. Голи ғолибиятро Шодибек Ғаффоров дар дақиқаҳои иловагии вақти асосии бозӣ (90+4) зад.
Дастаи “Истаравшан” дар майдони худ бар тими “Душанбе” бо ҳисоби 2:0 пирӯз шуд. Ҳар ду голро Илҳом Баротов зад.
Ниҳоят, бозӣ миёни дастаҳои “Куктош” – “Хатлон” мусовӣ (3:3) анҷом ёфт. Бозингари тими “Куктош” Алишер Холмуродов дар дақиқаи 19 ба дарвозаи дастааш гол зад. Нуриддин Ҳамроқулов дар дақиқаи 53 ҳисобро афзуд. Пас аз 5 дақиқа Муҳаммадшарифи Саидхоҷа голи якуми тими “Куктош”-ро зад. Суҳроб Раҳмонов бозингари “Куктош” дар дақиқаи 68 ба фоидаи бохтариҳо ба дарвозааш гол зад – 1:3. “Куктош” тавассути зарбаҳои нишонраси Шарафҷон Солеҳов дар дақиқаи 90+1 ва Амирҷон Сафаров (90+4) аз бохт раҳо ёфт.
Бозиҳои даври сенздаҳуми Чемпионати Тоҷикистон оид ба футбол миёни дастаҳои лигаи олӣ 10 -11 июл баргузор мешаванд. Дар ин давр КМВА бо “Истиқлол”, “Хатлон” бо “Равшан”, “Хуҷанд” бо “Истаравшан”, “Душанбе” бо “Куктош”, “Эсхата” бо “Файзканд” вомехуранд.
Кумита таъкид намуд, ки қабл аз ин давр 7 июл бозии мавқуфмондаи даври 3-юм миёни дастаҳои “Истаравшан” – “Истиқлол” доир мешавад.
