Иҷозаи пӯшидани ҳиҷоб дар ҷойҳои ҷамъиятӣ дар Ӯзбекистон

© AFP 2021 / Vyacheslav OseledkoДевушки на праздновании Всемирного дня хиджаба в Бишкеке, Киргизия
Девушки на праздновании Всемирного дня хиджаба в Бишкеке, Киргизия - Sputnik Тоҷикистон, 1920, 06.07.2021
Пештар дар Ӯзбекистон ҳозир шудан бо ҳиҷоб дар ҷойҳои ҷамъиятӣ мамнуъ буд
ДУШАНБЕ, 6 июл – Sputnik. Дар Ӯзбекистон пӯшидани ҳиҷоб дар ҷойҳои ҷамъиятӣ иҷозат дода шуд. Ин тартиб дар таҳрири нави қонун "Дар бораи озодии виҷдон ва ташкилотҳои динӣ", ки кишвардор Шавкат Мирзиёев рӯзе пеш имзо кард, омадааст.
Қаблан, бо либоси мазҳабӣ ҳозир шудан дар ҷойҳои ҷамъиятӣ ғайриимкон буд. Ҳамзамон, тарҳи нави қонун, сабти ном ва қатъи фаъолияти ташкилотҳои диниро содда мекунад.
Масалан, барои таъсиси як созмони мазҳабии маҳаллӣ имзои ҳадди аққал 50 шаҳрванде, ки ба синни ҳаждаҳ расидаанд, зарур аст. Қаблан ризояти ҳадди аққал 100 нафар талаб карда мешуд.
Реклама хиджаба - Sputnik Тоҷикистон, 1920, 04.02.2020
Дар яке аз бонкҳои Тоҷикистон ба пӯшидани ҳиҷоб иҷозат доданд
Ташкилоти динӣ метавонад бо қарори раҳбари он бо роҳи муттаҳидшавӣ, ҳамроҳшавӣ ё тақсимшавӣ тағйир ёбад.
Ташкилотҳои динӣ инчунин ҳангоми шикоят ба додгоҳ аз болои амалҳои шахсони мансабдор аз пардохти боҷи давлатӣ озод карда мешаванд.
Дар баробари ин, таълимоти динӣ берун аз муассисаи динӣ ғайриқонунӣ ҳисобида мешавад.
Дар бораи эҳтимоли иҷоза додани пӯшидани ҳиҷоб дар ҷойҳои ҷамъиятӣ вакил Расул Кушербоев ҳамнӯз моҳи сентябри соли гузашта гуфта буд.
Он замон Палатаи қонунгузорӣ лоиҳа дар бораи ислоҳи қонун "Дар бораи озодии виҷдон ва ташкилотҳои динӣ", аз ҷумла иҷозаи пӯшидани ҳиҷоб дар ҷойҳои ҷамъиятиро дар хониши аввал қабул кард.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала