Графическое изображение коронавируса - Sputnik Тоҷикистон, 1920
Мавҷи сеюми коронавирус дар Тоҷикистон: охирин хабару гузоришҳо
Мақомоти Тоҷикистон 21 январи соли 2022 аз бозгашти сеюмбораи коронавирус ба кишвар хабар доданд

Ихтиёрӣ: дар Русия ваксинзании донишҷӯёни хориҷӣ ба зиммаи донишгоҳҳо вогузор шуд

© Sputnik / Илья Наймушин / Гузариш ба медиабонкВозобновление очного обучения в вузах
Возобновление очного обучения в вузах - Sputnik Тоҷикистон, 1920, 08.07.2021
Обуна шудан
Вазорати маориф ва илми Русия ба донишгоҳҳо тавсия дод, ки ваксинзании донишҷӯёни хориҷӣ алайҳи COVID-19 - ро ба таври ихтиёрӣ ташкил кунанд
ДУШАНБЕ, 8 июл — Sputnik. Вазорати илм ва таҳсилоти олии Русия аз ҳамаи донишгоҳҳо даъват кард, ки раванди эмгузаронии донишҷӯёни хориҷӣ бар зидди коронавирусро ба зиммаи худ гиранд, хабар медиҳад форуми ҷавонон "Территория смыслов".
Ба гуфти муовини вазири маориф Петр Кучеренко, ки дар форум суханронӣ кард, ба донишгоҳҳои Русия тавсия дода мешавад, ки донишҷӯёни хориҷиро эм кунанд.
"Ҳамчунин, масъалаи эътирофи шаҳодатномаҳои хориҷии эмгузаронӣ низ баррасӣ мешавад", - гуфт Кучеренко.
Ҳамзамон, роҳбари Вазорати маориф ва илм Валерий Фалков қаблан изҳор дошта буд, ки то ҳол дар бораи роҳ надодани донишҷӯёни эмнашуда ба таҳсили рӯзона ягон қарор қабул нашудааст.
Как проходит вакцинация трудовых мигрантов в Москве - Sputnik Тоҷикистон, 1920, 05.07.2021
Мақомоти Русия: ваксинаҳо барои донишҷӯёни хориҷӣ омодааст
Донишгоҳҳо ҳуқуқ доранд мустақилона роҳ додан ё надодани донишҷӯёни эмнашударо ба дарсҳо ҳал кунанд, чун эмкунии донишҷӯён ихтиёрӣ аст.
Фалков инчунин даъват кард, ки ҳуқуқи донишҷӯёни эмнашуда поймол нашавад ва барояшон "шароити хуби таҳсил" дар донишгоҳҳо фароҳам оварда шавад.
Дар ҳамин ҳол, Вазорати маориф ва илм тавсия додааст, ки кормандон то 25 августи соли 2021 дар минтақаҳое, ки эмгузаронии ҳатмӣ аст, ваксин гиранд.
Девушка на улице в защитной маске - Sputnik Тоҷикистон, 1920, 08.07.2021
Мавҷи сеюми коронавирус дар Тоҷикистон: охирин хабару гузоришҳо
Вазорат гуфт, киҳо дар Тоҷикистон ваксин намегиранд
Пештар хабар дода шуд, ки Русия барои эмгузаронии донишҷӯёни хориҷӣ алайҳи коронавирус омода шудааст.
Ташкили маркази калони ваксинзании муҳоҷирон дар Маскав
Вазири тандурустии Федератсияи Русия Михаил Мурашко гуфт, ки партияи якуми дору бар зидди сирояти нави коронавирус омода аст, то ҳамаи донишҷӯёни Русия эм карда шаванд.
Лентаи хабарҳо
0