Сиёсатшиноси исроилӣ: пас аз Афғонистон Толибон* ба Тоҷикистон мегузаранд

© REUTERS / Jim HollanderТабличка с надписью "Талибы" на юге Афганистана
Табличка с надписью Талибы на юге Афганистана - Sputnik Тоҷикистон, 1920, 09.07.2021
Яков Кедми, сиёсатшиноси исроилӣ, "ҳамла"-и Толибон* ба Тоҷикистонро пешгӯӣ кард
ДУШАНБЕ, 9 июл - Sputnik. Ҷангҷӯёни ҷунбиши радикалии Толибон (мамнӯъ дар Русия ва Тоҷикистон) дар ниҳоят тамоми Афғонистонро забт хоҳанд кард, мегӯяд сиёсатшиноси исроилӣ, собиқ роҳбари хадамоти махсуси Исроил Нотив Яков Кедми.
"Қувваи ҷиддие вуҷуд надорад, ки ба тасарруфи пурраи Афғонистон аз ҷониби Толибон монеъ шавад. Шояд дар баъзе минтақаҳо муваққатан сулҳ кунанд, аммо ниҳоят Толибон тамоми Афғонистонро забт хоҳанд кард", - гуфтааст Кедми дар рафти баномаи радиоии Владимир Соловёв "Прямой контакт".
Вай Афғонистонро давлати сермиллат ва бисёрқабила номид, ки мушкилоти зиёди дохилӣ дорад.
Дар ин кишвар асосан паштунҳо, инчунин узбекҳо, тоҷикон ва ҳазараҳо зиндагӣ мекунанд.
Боевики движения Талибан, архивное фото - Sputnik Тоҷикистон, 1920, 09.07.2021
Марзи Тоҷикистону Афғонистон: ҳоло чӣ рух дода истодааст?
"Толибон"* гуфтанд, оё ба Тоҷикистон "ҳамла" мекунанд ё не
Ба гуфтаи сиёсатшиноси исроилӣ, Афғонистон метавонад ба ягона давлате дар ҷаҳон табдил ёбад, террористон сари қудрат меистад. Вай Толибонро ба ташкилоти террористии Давлати Исломӣ (ДИ ё ДИИШ, мамнӯъ дар Русия ва Тоҷикистон) муқоиса кард.
"Ваҳшигарие, ки Толибон дар Афғонистон анҷом додаанд ва аллакай оғоз кардаанд, аз ваҳшигариҳои ДИИШ кам фарқ мекунад", - мегӯяд Кедми.
Вай таъкид кард, ки исломи фундаменталистие, ки Толибон онро таблиғ мекунанд, ҳамеша мехоҳад дар қаламравҳои дигар паҳн шавад.
Президент США Джо Байден - Sputnik Тоҷикистон, 1920, 09.07.2021
Байден эҳтимолияти ғасби қудрат дар Афғонистонро арзёбӣ кард
Сиёсатшинос чунин мешуморад, ки пас аз Афғонистон ҷангиён ба дигар кишварҳои Осиёи Марказӣ аз ҷумла Тоҷикистон ҳаракат мекунанд ва дар он ҷо тарафдорони зиёд пайдо мекунанд.
Толибон ба шимол ҳаракат мекунан - яъне, ба Тоҷикистон, Узбекистон ,Туркманистон, Қирғизистон а сипас ба уйғурҳои Қазоқистон мерасанд" - мутмаин аст коршинос.
Кедми хуруҷи нерӯҳои ИМА аз Афғонистонро нангин номид.
"Амрикоиҳо худро дар ҳама ҷо дар тӯли 50 соли охир нишон доданд: онҳо ба чизе ноил нашуданд, омаданд, бадбахт шуданд, 20 солро сарф карданд, танҳо ҳамон Толибонро тақвият доданд", - хулоса кард ӯ.
*Ҳаракати экстремистӣ, мамнӯъ дар Тоҷикистон ва Русия
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала