Даъвати Атоев барои сабти дубораи симкортҳо дар Тоҷикистон: баъдан навбатпоӣ нашавад

© pixabayМобильный телефон
Мобильный телефон - Sputnik Тоҷикистон, 1920, 12.07.2021
Хадамоти алоқа таъкид кард, ки мӯҳлати сабти дубораи симкортҳо дар Тоҷикистон пас аз ҳашт моҳ ба поён мерасад
ДУШАНБЕ, 12 июл - Sputnik. Дар Тоҷикистон, беш аз 2 миллиону 400 ҳазор муштариён то ҳол симкортҳоро дубора сабти ном накардаанд.
Дар ин бора Илҳомҷон Атоев, муовини раиси Хадамоти алоқаи Тоҷикистон, зимни нишасти мутбуотии ин ниҳод иттилоъ дод.
Ба гуфтаи вай, беш аз 4,9 миллион симкорт дубора сабти ном шуданд.
Атоев ёдовар шуд, ки мӯҳлати сабти дубораи симкортҳо пас аз ҳашт моҳ ба поён мерасад. Пас аз 15 феврали соли 2022, мақомот шумораи муштариёне, ки аз расмиёт нагузаштаанд, ғайрифаъол мекунад.
Муовини раиси Хадамоти алоқа аз муштариён даъват кард, ки симкортҳояшонро саривақт аз сабти дубора гузаронанд.
"То ки баъдтар ҳазорҳо нафар дар назди идораҳои шиносномадиҳӣ ва дафтарҳои ширкатҳои мобилӣ навбатпоӣ накунанд", - гуфт номбурда.
Тибқи омори расмӣ, дар Тоҷикистон 7,5 миллион муштарии мобилӣ мавҷуд аст, ки 5,1 миллионашон фаъол мебошанд.
Вход в интернет, архивное фото - Sputnik Тоҷикистон, 1920, 27.02.2021
Мавқеи Тоҷикистон дар раддабандии суръати интернет боз пасттар шуд
Сабти дубораи симкортҳои ҳамаи операторони телекоммуникатсионӣ, ки бо шиносномаҳои ID дар ҷумҳурӣ истифода мебаранд, аз 15 феврали соли 2019 оғоз ёфт.
Тибқи фармони президенти Тоҷикистон, Эмомалӣ Раҳмон, ин тадбир барои саркӯбии ҷиноятҳо ва ҳамлаҳои эҳтимолии террористӣ, ки бо истифода аз телефонҳои мобилӣ содир шудаанд, зарур аст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала