"Порагирӣ аз директори муттаҳам дар порахӯрӣ": боздошти милиса

© Sputnik / Стас ЭтвешТаджикские деньги, архивное фото
Таджикские деньги, архивное фото - Sputnik Тоҷикистон, 1920, 12.07.2021
Ожонси назорати давлатии молиявӣ ва мубориза бо фасоди Тоҷикистон аз иттиҳоми қаллобӣ алайҳи як корманди милиса дар Хатлон хабар дод
ДУШАНБЕ, 12 июл - Sputnik. Тибқи иттилои Ожонси зидди фасод, Икромов Зафар дар вазифаи ваколатдори калони гурӯҳи махсуси Қисми минтақавии Раёсати ВУД Хатлон оиди гурӯҳи ноҳияҳои Кӯлоб кор карда, дар давраи фаъолияти кориаш даст ба ҷинояти қаллобӣ задааст.
Ожонс мегӯяд, корманди милиса Икромов директори Литсейи касбӣ-техникии ноҳияи Восеъ Шарипов Қ.-ро дар содир намудани ҷинояти гирифтани пора гумонбар дониста, аз ӯ пул талаб карда гирифтааст.
Строительство новых домов в Душанбе, архивное фото - Sputnik Тоҷикистон, 1920, 09.09.2018
Порахӯрӣ дар Кумитаи сохтмон: иҷозатнома ба ширкате, ки на техника дошту на мутахассис
Таъкид шудаст, ки дар давраи аз охирҳои моҳи декабри соли 2019 то моҳи июли соли 2020 дар якчанд ҳолат маъмури милиса аз мудири мактаб 56 ҳазор сомонӣ талаб намуда, дар маҷмӯъ маблағи 51 ҳазор сомониро гирифта, тасарруф намудааст.
Вобаста ба ҳолати мазкур нисбати Икромов бо моддаи 247 - и Кодекси ҷиноятии Тоҷикистон парвандаи ҷиноятӣ оғоз карда шуда, баъди анҷоми тафтиши пешакӣ ба суд ирсол карда шуд.
Феълан назари муттаҳам дар бораи ин қазия маълум нест ва дар сурати дастрас шудан дар ин саҳифа нашр хоҳад шуд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала