Ҳаракати нақлиёт дар Душанбе маҳдуд мешавад: чанд рӯз ва дар кадом самт?

Обуна шудан
Шаҳрдори Душанбе Рустами Эмомалӣ дар бораи қатъи ҳаракати нақлиёт дар роҳҳои пойтахт, қарор баровард
ДУШАНБЕ, 14 июл — Sputnik. Тибқи қарори мазкур ҳаракати нақлиёт дар роҳҳои шаҳри Душанбе 4 рӯз маҳдуд мешавад.

"Аз 15 то 18 июл дар чорроҳаи кӯчаи С. Айнӣ бо гузаргоҳи якуми кӯчаи Н. Муҳаммади ноҳияи Шоҳмансури шаҳри Душанбе ҳаракати нақлиёти автомобилӣ муваққатан қатъ карда мешавад", - омадааст дар қарори раиси шаҳр.

Чуноне аз қарор бармеояд, сабаби маҳдудият дар роҳҳо, корҳои сохтмонӣ мебошад.
Дар ин росто, масъулин уҳдадор шудаанд, ки ҳаракати нақлиёти мусофирбарро, ки аз ин роҳҳо мегузарад, тариқи кӯчаҳои ҳамшафат муайян намуда, дар нақшаи хатсайрҳо тағйироти дахлдор ворид намоянд.
Ҳамчунин, ба Раёсати ВКД дар шаҳри Душанбе супориш дода шудааст, ки барои таъмини бехатарии ҳаракати воситаҳои нақлиёт дар кӯчаҳои ҳамшафат тадбирҳои мушаххас андешад.
Корхонаи воҳиди давлатии "Роҳсоз"-и мақомоти шаҳри Душанбе вазифадор гардидааст, ки вобаста ба тағйири самти ҳаракати нақлиёт дар мувофиқа бо шуъбаи БДА гузоштани аломатҳои роҳ ва дигар лавҳаҳои иттилоотию огоҳкунандаро барои ронандагони воситаҳои нақлиёт таъмин намоянд.
Лентаи хабарҳо
0