Заминларза дар Тоҷикистон

Раштро шаби гузашта боз ду маротиба заминҷунбӣ такон дод

© Sputnik Амир ИсаевПоследствия схода сели в селе Бедак, района Рашт. 22 июля 2015 года
Последствия схода сели в селе Бедак, района Рашт. 22 июля 2015 года - Sputnik Тоҷикистон, 1920, 14.07.2021
Аз рӯзи 10 июл ба ин сӯ ҳамарӯза дар қаламрави Рашт такон хӯрдани замин эҳсос мешавад
ДУШАНБЕ, 14 июл — Sputnik. Ноҳияи Раштро боз заминларза такон дод, хабар медиҳад Кумитаи ҳолатҳои фавқулода Тоҷикистон.
Ба иттилои манбаъ, ларзиши замин шаби гузашта ду маротиба эҳсос шуд. Аз ҷумла такони ларзиши замин маротибаи аввал соати 01:56 дақиқа рух дод. Маркази он дар 196 километрии шимолу шарқи Душанбе, 14 километр дар тарафи шарқи ноҳияи Рашт ба вуқӯъ омад.
Шиддати заминҷунбӣ дар марказ 3-4 балл ва дар шаҳри Душанбе 2 балл гуфта мешавад.
В Таджикистане в Раштском районе произошло землетрясение - Sputnik Тоҷикистон, 1920, 13.07.2021
Заминларза дар Тоҷикистон
КҲФ шумораи умумии манзилҳои харобгашта аз заминҷунбиро эълон кард
Зимнан, бо гузашти ҳамагӣ 14 дақиқа боз ҷунбиши замин эҳсос шуд. Ин навбат маркази заминларза на ноҳияи Рашт, балки Ҷумҳурии Афғонистон буд ва қувваи он дар Рашт 2 балл ва дар худи Афғонистон 4 дараҷаро ташкил дод.
Манбаъ меафзояд, офати табиии шаби гузашта дар пай талафоти ҷонӣ ва молиро надошт.
Ёдовар мешавем, ки субҳи барвақти рӯзи 10 июл, Тоҷикистонро заминҷунбии 5.9 балла ларзонд, ки дар натиҷа 5 нафар, аз ҷумла 4 кӯдак ҷон бохтанд ва 16 каси дигар бо бардоштани ҷароҳатҳои гуногуни ҷисмонӣ ба бемористон интиқол ёфтанд.
Ҳамзамон ин офати табиӣ садҳо сокинони Рашту Тоҷикободро бехонаву дар гузошт.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала