Русия парвозҳоро бо чанд кишвар аз сар мегирад

© REUTERS / SPUTNIKСамолет Ил-96 президента РФ
Самолет Ил-96 президента РФ - Sputnik Тоҷикистон, 1920, 14.07.2021
Илова бар он, ки ҳоло Русия бо Фаронса ва Чехия парвозҳоро аз сар мегирад, шумораи хатсайрҳо ба баъзе кишварҳо низ зиёд карда мешавад.
ДУШАНБЕ, 14 июл - Sputnik. Аз рӯзи ҷумъаи оянда, 24 июл, Русия ҳаракати ҳавопаймоҳоро бо чанд кишвари Аврупо якбора аз сар мегирад.
Тибқи иттилои ситоди фаврии мубориза бо коронавирус, Русия фазояшро бо Фаронса ва Ҷумҳурии Чех боз мекунад. Парвозҳо байни пойтахтҳо ҳафтае аз ду то чор маротиба анҷом дода мешаванд.
Ҳамин тариқ, парвозҳо дар хатсайрҳои Москва - Париж ва Москва - Нитса (дар ҳар як масир ҳафтае чаҳор парвоз), инчунин Санкт-Петербург - Париж ва Санкт-Петербург - Нитса (ду парвоз дар ҳар як масир) сурат мегиранд.
Cамолет Boeing 737 - Sputnik Тоҷикистон, 1920, 11.07.2021
Маҳдудияти парвозӣ аз Эрон ба 39 кишвар: Тоҷикистон дар феҳрист қарор дорад?
Парвозҳо аз Маскав ба Прага ҳафтае чаҳор маротиба анҷом дода мешаванд.
Илова бар ин, маълум аст, ки шумораи парвозҳо бо Австрия, Белгия, Булғористон, Маҷористон, Юнон, Лубнон, Хорватия, Эфиопия зиёд карда мешавад.
Парвозҳои хориҷӣ инчунин аз фурудгоҳҳои байналмилалии Архангелск, Новокузнеск ва Орск аз сар гирифта мешаванд.
Инчунин хабар дода мешавад, ки тасмими барқарор кардани парвозҳо ба шаҳрҳои Хургада ва Шарм-аш-Шайхи Миср пас аз сафари ҳайати Русия ба Миср гирифта хоҳад шуд.
Ёдрас мешавем, моҳи июли соли 2021, президенти Русия Владимир Путин фармони соли 2015-ро дар бораи манъи парвози чартерӣ ба осоишгоҳҳои Миср бекор кард.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала