https://sputnik.tj/20210714/zanozani-tojikonu-qirghizho-maskav-1040882964.html
Занозании тоҷикону қирғизҳо дар Маскав: 100 муҳоҷир боздошт шуду шаш касро ҳабс карданд
Занозании тоҷикону қирғизҳо дар Маскав: 100 муҳоҷир боздошт шуду шаш касро ҳабс карданд
Sputnik Тоҷикистон
Пас аз муноқишаи муҳоҷирони тоҷику қирғиз дар Маскав, 103 нафарро ба пулис бурданд
2021-07-14T14:43+0500
2021-07-14T14:43+0500
2021-08-10T14:40+0500
муҳоҷират
маскав
ҳабс
боздошт
https://cdnn1.img.sputnik.tj/img/102639/00/1026390019_0:160:3073:1888_1920x0_80_0_0_bbdd1411d800cdb4dc92c937e2ef1f10.jpg
ДУШАНБЕ, 14 июл — Sputnik. Мақомот занозании оммавӣ дар метрои Кузминкиро, як ҳолати фавқулодда арзёбӣ мекунад, гуфт ба РИА Новости намояндаи хадамоти матбуоти Раёсати амнияти минтақавӣ ва мубориза бо фасод. Дар маҷмӯъ, 103 нафар ба пулис бурда шуданд. Аксарияти ҷангҷолиҳо зодагони кишварҳои Осиёи Марказӣ буданд.Ҳамчунин, масъалаи оғози парвандаи ҷиноӣ дар заминаи ифротгароӣ низ баррасӣ мешавад. Занозании оммавӣ мавзӯи мулоқоти мақомоти шаҳр ва амният, инчунин намояндагони Федератсияи муҳоҷирони Русия гардид. Тавре манбаъ меафзояд, ҳамаи боздоштшудагон то мурофиаи додгоҳӣ дар мақомоти корҳои дохилӣ нигоҳ дошта мешаванд ва агар ба ҷавобгарӣ кашида шаванд, аз Русия депорт мешаванд. Зиёда аз ин, вуруди онҳо ба кишвар маҳдуд карда мешавад. Тибқи иттилои котиби матбуотии додгоҳи Кузминкии Маскав Кристина Каленова, шаш нафар иштирокчиёни занозании оммавӣ ба муддати 15 рӯз ҳабс карда шуданд. Тибқи иттилои суд, онҳо мувофиқи моддаи 20.2 қисми 6.1 Кодекси ҳуқуқвайронкунии маъмурии Русия "Иштирок дар ҷамъомади худсарона, ки дар натиҷа ба фаъолияти иншооти таъминоти ҳаётӣ халал ворид шудааст", айбдор карда мешаванд. Расонаҳо ҷузъиёти занозании оммавиро чунин қисса карданд.Муноқиша шоми 12 июл оғоз ёфт. Сипас ба ҳар кадоме аз тарафҳои даргир ошноҳову дӯстон ҳамроҳ шуданд. Таъкид мешавад, ки баъзе аз қурбониёни муноқишаро рӯи кати мошинҳои ёрии таъҷилӣ бурдаанд. Тибқи гузориши РЕН ТВ, муноқиша дар Кузминки, ки ба задухӯрди оммавӣ мубаддал шуд, байни муҳоҷирон аз Тоҷикистон ва Қирғизистон рух додааст. Ин муборизаи хунин замина доштааст. 11 июл дар Химки ду зодаи Қирғизистон бо корд захмӣ шудаанд ва рафиқони онҳо тасмим гирифтаанд, ки қасос гиранд ва соати 19:00 дар Кузминки як "стрелка" таъин карданд. Дар вақти муайяншуда ҳеҷ гуна задухӯрд сурат нагирифтааст, аммо муҳоҷирони ғаразнок дар минотиқи наздик боздошт шуданд. Тақрибан нисфи шаб дар истгоҳи метрои Кузминки занозании оммавӣ оғоз ёфтааст.
https://sputnik.tj/20210713/zanozanii-ommavi-muhojir-maskav-1040845649.html
https://sputnik.tj/20210713/farziya-zanozani-muhojiron-himki-navor-1040856706.html
https://sputnik.tj/20210713/pulisi-maskav-zanozanii-muhojiron-ogoh-bud-1040860854.html
маскав
Sputnik Тоҷикистон
info@sputnik.tj
+74956456601
MIA „Rosiya Segodnya“
2021
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
занозанӣ, ҳабс, боздошт, муҳоҷирон, маскав
занозанӣ, ҳабс, боздошт, муҳоҷирон, маскав
Занозании тоҷикону қирғизҳо дар Маскав: 100 муҳоҷир боздошт шуду шаш касро ҳабс карданд
14:43 14.07.2021 (Навсозишуда: 14:40 10.08.2021) Пас аз муноқишаи муҳоҷирони тоҷику қирғиз дар Маскав, 103 нафарро ба пулис бурданд
ДУШАНБЕ, 14 июл — Sputnik. Мақомот занозании оммавӣ дар метрои Кузминкиро, як ҳолати фавқулодда арзёбӣ мекунад, гуфт ба
РИА Новости намояндаи хадамоти матбуоти Раёсати амнияти минтақавӣ ва мубориза бо фасод.
"Сабаб баррасии муносибатҳо миёни муҳоҷирон буд, ки чанд рӯз қабл дар қаламрави вилояти Маскав оғоз шуду дар паи он се шаҳрванди хориҷӣ барои кумаки тиббӣ муроҷиат карданд. Нисбати ҳамаи онҳое, ки дар ин муноқиша даст доранд, тибқи моддаи 20.2 қисми 6.1 Кодекси ҳуқуқвайронкунии Русия парвандаи маъмурӣ боз карда шуд ", - гуфтанд дар шӯъба.
Дар маҷмӯъ, 103 нафар ба пулис бурда шуданд. Аксарияти ҷангҷолиҳо зодагони кишварҳои Осиёи Марказӣ буданд.
Ҳамчунин, масъалаи оғози парвандаи ҷиноӣ дар заминаи ифротгароӣ низ баррасӣ мешавад.
Занозании оммавӣ мавзӯи мулоқоти мақомоти шаҳр ва амният, инчунин намояндагони Федератсияи муҳоҷирони Русия гардид.
Тавре манбаъ меафзояд, ҳамаи боздоштшудагон то мурофиаи додгоҳӣ дар мақомоти корҳои дохилӣ нигоҳ дошта мешаванд ва агар ба ҷавобгарӣ кашида шаванд, аз Русия депорт мешаванд. Зиёда аз ин, вуруди онҳо ба кишвар маҳдуд карда мешавад.
Тибқи иттилои котиби матбуотии додгоҳи Кузминкии Маскав Кристина Каленова, шаш нафар иштирокчиёни занозании оммавӣ ба муддати 15 рӯз ҳабс карда шуданд.
Тибқи иттилои суд, онҳо мувофиқи моддаи 20.2 қисми 6.1 Кодекси ҳуқуқвайронкунии маъмурии Русия "Иштирок дар ҷамъомади худсарона, ки дар натиҷа ба фаъолияти иншооти таъминоти ҳаётӣ халал ворид шудааст", айбдор карда мешаванд.
Расонаҳо ҷузъиёти занозании оммавиро чунин қисса карданд.
Муноқиша шоми 12 июл оғоз ёфт. Сипас ба ҳар кадоме аз тарафҳои даргир ошноҳову дӯстон ҳамроҳ шуданд.
Таъкид мешавад, ки баъзе аз қурбониёни муноқишаро рӯи кати мошинҳои ёрии таъҷилӣ бурдаанд.
Тибқи гузориши РЕН ТВ, муноқиша дар Кузминки, ки ба задухӯрди оммавӣ мубаддал шуд, байни муҳоҷирон аз Тоҷикистон ва Қирғизистон рух додааст.
Ин муборизаи хунин замина доштааст. 11 июл дар Химки ду зодаи Қирғизистон бо корд захмӣ шудаанд ва рафиқони онҳо тасмим гирифтаанд, ки қасос гиранд ва соати 19:00 дар Кузминки як "стрелка" таъин карданд.
Дар вақти муайяншуда ҳеҷ гуна задухӯрд сурат нагирифтааст, аммо муҳоҷирони ғаразнок дар минотиқи наздик боздошт шуданд.
Тақрибан нисфи шаб дар истгоҳи метрои Кузминки занозании оммавӣ оғоз ёфтааст.
