Толибон мехоҳанд дар Афғонистон "низоми қавӣ ва мустақили исломӣ" созанд

© AFP 2021 / JAVED TANVEERБоевики движения "Талибан", архивное фото
Боевики движения Талибан, архивное фото - Sputnik Тоҷикистон, 1920, 17.07.2021
Толибон (гуруҳи террористии фаъолияташ дар Русияву Тоҷикистон мануъ) гуфтанд, ки Афғонистонро чӣ гуна тағир медиҳанд: онҳо мехоҳанд, ки барои ҷумҳурӣ пешрафт ва барои сокинони он шароити мусоид фароҳам оварда шавад
ДУШАНБЕ, 17 июл - Sputnik. Афғонистон барои пешрафт ба "низоми мустақили исломии мустақил" ва ҳифзи тамомияти арзӣ ниёз дорад. Инро раҳбари ҳайати Толибон (гуруҳи террористии фаъолияташ дар Русияву Тоҷикистон мануъ) Мулло Бародар Охунд зимни даври нави музокироти байни афғонҳо дар Қатар изҳор дошт.
Иҷрои чунин шароит ба ҳифзи сулҳ дар ҷумҳурӣ, инчунин зиндагии бароҳат ва шоистаи афғонҳо мусоидат хоҳад кард, гуфт ӯ.
"Мо бояд аз худпарастӣ, манфиатҳо ва ғаразҳои шахсӣ берун равем. Афғонистон барои ҳамаи афғонҳо хонаи муштарак аст", - гуфт Бародар Охунд.
Ба гуфтаи вай, дар кишвар бояд системае эҷод карда шавад, ки бояд эътиқод ва дини сокинонро ба назар гирад. Толибон (гуруҳи террористии фаъолияташ дар Русияву Тоҷикистон мануъ) "пешрафт, зиндагии хуб ва бароҳат мехоҳанд, аммо бо назардошти арзишҳои исломӣ, истиқлолият ва озодӣ".
Бародар Охунд даъват кард, ки ба нобоварӣ хотима дода шавад ва амалҳо ба нафъи ваҳдат анҷом шавад, инчунин ба кӯшишҳои вайрон кардани тамомияти арзии Афғонистон муқовимат нишон дода шавад.
Атто Мухаммади Нур - Sputnik Тоҷикистон, 1920, 17.07.2021
Ҳама аслиҳаро дорем: Нур ба Толибон* гуфт, сулҳ кунанд вагарна саркуб хоҳанд шуд - видео
Ёдовар мешавем, ки дар Доҳа музокирот миёни аъзои ҷунбиши радикалии Толибон (гуруҳи террористии фаъолияташ дар Русияву Тоҷикистон мануъ) бо намояндагони мақомоти Афғонистон аз сар гирифта шуд, ки ҳоло ҳайати баландмақоми ҳукуматӣ дар он ҷо ҳузур дорад.
Қабл аз он, мулоқотҳои фосилавӣ дар Қатар даҳ моҳ идома доштанд, аммо натиҷаҳои мусбат надоданд.
Дар мулоқот, ҷонибҳо ният доранд, ки имкони хотима додан ба низои низомӣ дар ҷумҳурӣ, коҳиш додани хушунат, ташкили ҳукумат ва раҳо кардани ҳафт ҳазор маҳбусро аз ҳисоби ҷангиёни Толибон (гуруҳи террористии фаъолияташ дар Русияву Тоҷикистон мануъ) аз зиндонҳо баррасӣ кунанд, менависад РИА Новости.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала