Нашри навори амалиёти нерӯҳои афғон алайҳи Толибон*

Обуна шудан
НовостиTelegram
Вазорати дифои Афғонистон бо нашри як пораи навори тирпарронии сарбозони афғон изҳор доштааст, ки ин амалиёт алайҳи Толибон* мебошад
Видеои кӯтоҳи як лаҳзаи амалиёт дар вилояти Кунарро Вазорати дифои Афғонистон нашр кардааст. Манбаъ тавзеҳ додааст, ки ин амалиёт алайҳи ҷангҷӯёни Толибон* амалӣ карда мешавад, аммо мавқеъгирии ҷангиёни ин созмони мамнуъ намоиш дода нашудааст.
Дар навор низомиён сабт шудаанд, ки аз гранатомёт ва АК-47 ба мавқеъҳои ҷангиён тирандозӣ кардаанд.
Мусоҳиба бо Устод Ато: аз ҷанги Шимолу Толибон* то тоҷикону фирор аз Афғонистон
Вазорати мудофиа тавзеҳ додааст, ки ин лаҳзаи амалиёт дар ноҳияи Асмари вилояти Кунар нишон дода шудааст.
Мақомоти Афғонистон мегӯянд, дар ҷараёни амалиёт 7 ҷангҷӯи Толибон* кушта шуда, се узви дигарашон маҷрӯҳ шуданд. Таъкид шудааст, ки дар пайи ин амалиёт силоҳ ва муҳимоти ҷангиён низ нобуд карда шуд.
*созмони мамнӯъ дар Тоҷикистон, Русия ва бархе кишварҳои дигар
Лентаи хабарҳо
0