Супориши Раҳмон барои таъмини ваксин, омодагӣ ба ҷашн ва кумак ба зарардидагон аз офатҳо

© Пресс-служба президента КыргызстанаПрезидент Республики Таджикистан Эмомали Рахмон
Президент Республики Таджикистан Эмомали Рахмон - Sputnik Тоҷикистон, 1920, 19.07.2021
Раисҷумҳури кишвар зимни машварати корӣ ба масъулини вазорати тандурустӣ супориш дод, ки барои пешгирӣ аз паҳншавии вируси корона ваксинагузаронии пурраи аҳолиро таъмин намоянд
ДУШАНБЕ, 19 июл — Sputnik. Эмомалӣ Раҳмон, раисҷумҳури кишвар имрӯз бо иштироки мақомоти олии кишвар, машварати корӣ баргузор кард.
Тибқи дафтари матбуоти раисҷумҳури кишвар дар машварати корӣ масъалаҳо вобаста ба омодагии – ба ҷашни 30-солагии Истиқлоли давлатии Тоҷикистон, ва баргузории ҷаласаи Шӯрои сарони давлатҳои аъзои Созмони ҳамкории Шанхай, инчунин дигар чорабиниҳои муҳими ҷумҳуриявӣ мавриди баррасӣ қарор дода шуд.
Эмомалӣ Раҳмон ҳамчунин ба Ҳукумати кишвар супориш дод, ки барои татбиқи амалии нақшаҳо барои сазовор ҷашн ирифтани ҷашни Истиқлоли давлатӣ ва дар сатҳи баланди мизбонӣ баргузор кардани чорабинии сатҳи баланди минтақавӣ — 20-солагии таъсисёбии Созмони ҳамкори Шанхай тадбирҳои мушаххас амалӣ карда шавад.
Президент Республики Таджикистан Эмомали Рахмон - Sputnik Тоҷикистон, 1920, 17.07.2021
Андуҳгин шудем: номаи таслияти Раҳмон ба шоҳ Филипп
Ба иттилои дафтари матбуоти раисҷумҳур, Эмомалӣ Раҳмон ба вазорати тандурустӣ ва ҳифзи иҷтимоии аҳолӣ супориш дод, ки барои пешгирӣ аз паҳншавии бемории сироятии Ковид-19 ваксинагузаронии пурраи аҳолиро таъмин намоянд ва миёни мардум корҳои фаҳмондадиҳиро барои риояи қоидаҳои беҳдоштӣ ва санитарӣ пурзур намоянд.
Ҳамчунин раисҷумҳур ба вазорату идораҳои дахлдор вобаста ба барқарор кардани оқибатҳои офатҳои табиӣ, расондани кӯмакҳои моддӣ ба зарардидагон, таъмини нақшаи кишти такрорӣ ва ҷамъоварии беталафи ҳосил супоришҳои мушаххас дода шуд.
“Ба мақомоти иҷроияи ҳокимияти давлатии вилоятҳо, шаҳру ноҳияҳо ва ташкилоту идораҳои давлатӣ ҷиҳати омодагии ҳаматарафа ба маъракаи зимистонгузаронӣ, захираи кофии маводи хӯрокворӣ ва сӯзишворӣ, таъмини муассисаҳои иҷтимоӣ ва аҳолӣ бо гармӣ супориш дода шуд”, - таъкид дштааст манбаъ.
Ҳамзамон вазорати маориф ва илм ва мақомоти иҷроияи ҳокимияти давлатии вилоятҳо ва шаҳру ноҳияҳои кишвар аз раисҷумҳур дастур гирифтанд, ки барои сари вақт анҷом додани таъмиру таҷдиди муассисаҳои таълимӣ ва омодагии иншооти соҳа ба соли нави таҳсили 2021-2022 чораҷуӣ намоянд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала