Се қурбонӣ дар пайи аз ӯҳдаи идораи мошин набаромадани ронанда дар рӯзи арафа

© Sputnik / Владислав ВодневМашина полиции
Машина полиции - Sputnik Тоҷикистон, 1920, 20.07.2021
Дар як рӯзи ахир дар пайи садамаҳои нақлиётӣ дар роҳҳои Тоҷикистон се тан қурбон шудаанд
ДУШАНБЕ, 20 июл — Sputnik. Дар Тоҷикистон дар рӯзи арафа ду садамаи маргбори нақлиётӣ ба қайд гирифта шуд, ки дар натиҷа мутаассифона 3 тан қурбон шудаанд.
Бино бар иттилои пешакӣ, далели ҳодиса аз ӯҳдаи идораи нақлиёт набаромадани ронандаҳо гуфта мешавад.
Ҳамин тавр, 19-уми июл, тахминан соати 16:00 ронандаи автомашинаи тамғаи "Ваз 21099", марди 29-сола, сокини ҷамоати деҳоти Росияи ноҳияи Рӯдакӣ қоидаи ҳаракат дар роҳро нақз кардааст.
Детская игрушка возле дороги - Sputnik Тоҷикистон, 1920, 19.07.2021
Тифли хурдсол қурбони садамаи ду "Тайота" шуд
"Ронанда ҳангоми ҳаракат кардан аз тарафи шоҳроҳи Кулоб-Восеъ-Душанбе, воқеъ дар ҷамоати деҳоти Гулистони ноҳия Восеъ аз уҳдаи идораи воситаи нақлиёт набаромада, пиёдагарди ноболиғ, духтараки 12-сола, сокини ҷамоати деҳоти Гулистони ноҳияи мазкурро пахш намудааст", - менависад манбаъ.
Дар натиҷа пиёдагарди ноболиғ ҷароҳатҳои гуногу ни ҷисмонӣ бардошта, дар ҷойи ҳодиса ба ҳалокат расидааст
Мутаассифона, санаи 19-уми июли соли 2021, тахминан соати 06:00 ронандаи автомашинаи тамғаи “Мерседес-Бенс (Спринтер)”, ҷавони 24-сола, сокини шаҳри Душанбе, ҳангоми ҳаракат кардан аз самти шаҳри Душанбе ба самти шаҳри Кулоб дар 50-ум километр, воқеъ дар ҳудуди шаҳри Норак аз уҳдаи идораи воситаи нақлиёт набаромадааст.
Разбитое стекло автомобиля, архивное фото - Sputnik Тоҷикистон, 1920, 16.07.2021
Ду садамаи маргбор: Зумрат ва Меҳровар бо мошинҳояшон ду нафарро пахш карданд
Дар натиҷа ба автомашинаи тамғаи “Опел-Астра”, ки таҳти идораи ронанда, марди 33-сола, сокини шаҳри Душанбе, ки аз самти шаҳри Норак ба самти шаҳри Душанбе ҳаракат мекард, бархӯрдааст.
Дар натиҷа ронандаи автомашинаи тамғаи “Мерседес-Бенс (Спринтер)”, Буриев М.М ва ронандаи автомашинаи тамғаи “Опел-Астра” Солиев К.А, дар ҷойи ҳодиса ба ҳалокат расидаанд.
Мусофирони автомашинаи тамғаи “Опел-Астра”, Шокиров Шаҳриёр, соли таваллудаш 1998 ва Тоҷиев Шоҳин, соли таваллудаш 1998, сокинони шаҳри Душанбе ҷароҳатҳои вазнини ҷисмонӣ бардошта, дар беморхона бистарӣ гардидаанд.
Аз руи ин ҳодисаҳо таҳқиқот идома дорад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала