Раиси Суғд дар масҷиди марказӣ мавъиза хонд

© пресс-служба Совета Федерации РФПредседатель области Раджаббой Ахмадзода
Председатель области Раджаббой Ахмадзода  - Sputnik Тоҷикистон, 1920, 20.07.2021
Раҷаббой Аҳмадзода, раиси вилояти Суғд дар Иди Қурбон аз масҷиди марказии ба номи Шайх Муслиҳиддини шаҳри Хуҷанд боздид карда, сокинони вилоятро шодбош гуфт
ДУШАНБЕ, 20 июл — Sputnik. Сокинони вилояти Суғд дар намози Иди саиди Қурбон барои рушду нумӯи Тоҷикистон дасти дуо бардоштанд, хабар дод котиботи ҳукумати Суғд.
Раҷаббой Аҳмадзода дар масҷиди марказии Хуҷанд зикр кардааст, Иди Қурбон-ҷашни садоқат, покию равшанӣ, анҷом додани таомули қурбонӣ дар айёми ҳаҷ, дӯстию муҳаббати байниҳамдигарӣ ба шумор рафта, аз фарҳанги ғании исломӣ сарчашма мегирад ва инсониятро ба шинохти ҳуввият ва асолату покӣ ҳидоят менамояд.
Манбаъ афзуд, дар чунин айём анҷом додани амалҳои неку писандида, ба ҳамдигар дароз кардани дасти хайру саховат, гирифтани дасти ниёзмандон, ятимону маъюбон ва муҳтоҷону камбизоатон аз суннатҳои неки Иди саиди Қурбон мебошад.
Празднование Курбан Байрам в Иране - Sputnik Тоҷикистон, 1920, 20.07.2021
Иди Қурбон-2021: мафҳум ва анъанаҳои ҷашн
"Ҳар яки мо новобаста аз мансубияти миллию иҷтимоӣ ва дину мазҳаб бояд тамоми нерӯи хешро ба корҳои ободонию бунёдкорӣ, мустаҳкам намудани риштаи дӯстию бародарӣ, таҳкими ваҳдату ягонагӣ равона намуда, барои дар руҳияи худшиносию худогоҳӣ, ватандӯстию меҳанпарастӣ тарбия намудани насли ояндасоз талош намоем", - таъкид намудаст Аҳмадзода.
Иди саиди Қурбон дар Тоҷикистон имсол 20 июл таҷлил гардида, расман рӯзи истироҳатӣ мебошад. Иди Қурбон дар баробари Иди Рамазон яке аз ҷашнҳои аслии мусалмонон мебошанд, ки дар Тоҷикистон ба таври густарда таҷлил мегарданд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала