Захираҳои арзу тиллои Бонки миллӣ коҳиш ёфт

© Sputnik / Павел Лисицын / Гузаштан ба хазинаи аксЗолотые слитки, архивное фото
Золотые слитки, архивное фото - Sputnik Тоҷикистон, 1920, 22.07.2021
Захираҳои байналмилалии Бонки Миллии Тоҷикистон дар шаш моҳи соли равон 7,5 моҳи воридотиро ташкил додаааст
ДУШАНБЕ, 22 июл — Sputnik. Ҷамолиддин Нуралиев, муовини якуми Бонки миллии Тоҷикистон имрӯз зимни нишасти матбуотӣ таъкид дошт, ки дар ин давра 92 дарсади сохтори захираҳои байналмилалии Бонк бо асъори хориҷӣ ташакул ёфта ва ҳамагӣ 5 дарсади он ҳиссаи тилло мебошад.
Дар ҳамин ҳол, ҷаноби Нуралиев арзиши умумии захираҳои байналмилалиро бо пули нақд ифшо накард ва рақамҳо дар бораи ҳаҷми хариду фурӯши тилло дар нимсолаи аввали соли равонро низ эълом накард.
Тибқи омори расмӣ, ҳаҷми миёнаи ҳармоҳаи воридот дар соли 2020 262 миллион долларро ташкил додааст.
Национальный банк Таджикистана, архивное фото - Sputnik Тоҷикистон, 1920, 09.02.2018
Бонки миллӣ захираҳои арзии Тоҷикистонро дучандон афзуд
Бо назардошти ин, метавон тахмин зад, ки захираи тилло ва асъори БМТ дар аввали соли равон 1 миллиарду 965 миллион долларро ташкил медиҳад, ки нисбат ба аввали сол 262 миллион доллар камтар аст.
Қаблан хабар дода шуда буд, ки Бонки Миллӣ асосан захираҳои байналмилалии худро дар бонкҳои Швейтсария ва Олмон нигоҳ медорад.
Дар аввали соли равон захираҳои тилло ва асъори БМТ 8,5 моҳи воридотиро ташкил дода буд.
Бояд гуфт, ки дар Тоҷикистон дар баробари БМТ, Вазорати молия низ захираи тиллову асъор дорад. Маълумот дар бораи ин захираҳо ошкор карда нашудааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала