Санаи ба кор даровардани "ТоҷикАзот", ягона корхонаи тавлиди нуриҳои минералӣ эълон шуд

© Сайт президента ТаджикистанаПромышленное предприятие "Азот", архивное фото
Промышленное предприятие Азот, архивное фото - Sputnik Тоҷикистон, 1920, 27.07.2021
Ширкати "Осиё Кемикал" раҳбари нави "ТоҷикАзот" шудааст
ДУШАНБЕ, 27 июл - Sputnik. "ТоҷикАзот", ягона корхонаи тавлиди нуриҳои минералӣ дар Тоҷикистон, соли 2022 ба кор шурӯъ мекунад, гуфт шаҳрдори Левакант Заррина Давлатзода дар як нишасти матбуотӣ.
Вай қайд кард, ки соҳиби нав - "Осиё Кемикал" бо таҷдид ва омодасозии корхона машғул аст. Ғайр аз ин, қарзи "ТоҷикАзот" қисман барҳам дода шуд.
"Соҳибони нав қарзи маошро ба маблағи як миллион сомонӣ пардохт карданд (ҳаҷми умумии пардохтҳо 6 миллион). Онҳо қариб 15 миллион сомонӣ қарзи андозро низ пардохт карданд", - гуфт Давлатзода.
Ба гуфтаи вай, аллакай 200 корманд ба корхона баргаштанд.
"Корхона соли оянда тибқи нақша ба кор шурӯъ мекунад ва дар он беш аз ҳазор нафар кор хоҳанд кард", - гуфт Давлатзода.
"ТоҷикАзот" (собиқ корхонаи нуриҳои азотии Вахш) соли 1967 дар вилояти Хатлон сохта шудааст. Вай минтақаро бо нуриҳои минералӣ таъмин мекард. Фаъолияти хуб ба роҳ мондашудаи корхона дар солҳои ҷанги шаҳрвандӣ боздошта шуда буд.
Промышленное предприятие Азот, архивное фото - Sputnik Тоҷикистон, 1920, 01.08.2020
Чиниҳо натавонистанд: корхонаи “Азот” ба фурӯш гузошта мешавад
Соли 2001 олигархи украинӣ Дмитрий Фирташ ҶСК "ТоҷикАзот" -ро ба даст овард. Ин соҳибкор 75% саҳмияҳоро дар ихтиёр дошт, 20% дар ҳукумати Тоҷикистон монд ва 5% ба номи писари собиқ вазири саноати ҷумҳурӣ, Зайд Саидов, ки ахиран маҳкум шуд, сабт шудааст.
Дар соли 2014 мақомоти Тоҷикистон ин ширкатро давлатӣ карданд. Ширкати Фирташ ба риоя накардани меъёрҳои хусусигардонии иншоот, қисман фурӯхтани амвол бидуни тасдиқи ҳукумати Тоҷикистон ва дар натиҷа саркашӣ аз пардохти қариб 2 миллион доллар айбдор карда шуд.
Соли 2016 дар заминаи "ТоҷикАзот" як корхонаи муштараки Тоҷикистону Чин таъсис дода шуд, аммо ҷониби Чин ӯҳдадориҳои худро дар доираи созишнома иҷро накард.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала