Арабистони Саудӣ барои хориҷиён ҳаҷи умраро иҷозат дод: ба киҳо ва аз кай
16:00 28.07.2021 (Навсозишуда: 17:06 28.07.2021)
© Ministry of Media
Обуна шудан
Ҳаҷи умра ба нафароне иҷозат дода шуд, ки бо ваксинҳои тасдиқшудаи Арабистони Саудӣ эмгузаронӣ шудаанд ва ё ташхиси манфӣ аз коронавирусро дошта бошанд
ДУШАНБЕ, 28 июл - Sputnik. Ҳукумати Арабистони Саудӣ ахиран барои хориҷиён ҳаҷи хурд ва ё умраро иҷозат дод, хабар медиҳад Gulf News.
It is reported today that Umrah for those outside the Kingdom Of Saudi Arabia will resume from the 10th August 2021 insha'Allah. pic.twitter.com/RFJvWlrFim
— 𝗛𝗮𝗿𝗮𝗺𝗮𝗶𝗻 (@HaramainInfo) July 25, 2021
Бар хабари манбаъ, қабули зоирон аз 10 август шурӯъ мешавад. Барои мусалмонони хоҳишманди ҳаҷ зарур аст, ки бо яке аз ваксинҳое чун Pfizer, Moderna, Johnson&Johnson, AstraZeneca эм дошта бошанд ва ё ташхиси сиҳат будан аз коронавирусро пешниҳод кунанд.
Илова бар ин, зоирон аснои вуруд шудан ба Арабистони Саудӣ бояд ҳатман ба қарантин раванд ва пас аз он ташхиси такрориро месупоранд.
الرئاسة العامة لشؤون الحرمين تستقبل المعتمرين عَقَبَ الانتهاء من موسم #حج هذا العام.https://t.co/3DGVY4oafU#بسلام_آمنين #واس_عام pic.twitter.com/9SV2Ji6UdB
— واس العام (@SPAregions) July 24, 2021
Ёдовар мешавем, ки ҳаҷи акбар имсол аз 17 то 22 июл сурат гирифт. Мисли соли гузашта, танҳо сокинони Арабистони Саудӣ ва хориҷиёне, ки дар ин кишвар иқомат мекунанд, ҳаққи зиёрати хонаи Худоро доштанду халос.
Инҳо ҳам сокинони аз 18 то 65 - сола буданд, ки алайҳи маризиии коронавирус ваксинзанӣ шудаанд.
Барои боқимондаҳо ба ҷо овардани ҳаҷ номумкин буд.
