Ифшои шабакаи воридкунандаҳои ҳабҳои наркотикӣ: Муҳаммаду Вайсиддин дар пайгард - навор

Таблетки, архивное фото - Sputnik Тоҷикистон, 1920, 29.07.2021
Ду сокини 28 ва 26 - солаи шаҳри Кӯлоб аз воридкунандаҳои асосии ҳабҳои наркотикӣ ба Тоҷикистон гуфта мешаванд, ки феълан ҳар дуи онҳо дар пайгарди қонунӣ қарор доранд
ДУШАНБЕ, 29 июл — Sputnik. Дар маҳаллаи Гипрозем чанде пеш кормандони милиса 20 ҷавонро боздошт намуданд, ки сархуши ҳабҳои наркотикӣ буданд, хабар медиҳад Раёсати умури дохила дар шаҳри Душанбе.
Ин ниҳод бо нашри навори боздошти чанд ҷавон бо ҳабҳо аз он изҳори нигаронӣ намудааст, ки вақтҳои охир дар тарабхонаҳо, марказҳои дилхушӣ теъдоди зиёди ҷавонон аз ҳабҳои сахттаъсири экстазию психотропӣ истифода мебаранд. Маҳз барои ҷилавгирӣ намудан аз ин ҳолат, пулиси пойтахт ба "шикор" - и паҳнкунандаҳои маводҳои заҳрогин баромаданд.
Манбаъ меафзояд, интиқолдиҳандаҳои ин навъ ҳабҳо ду сокини шаҳри Кӯлоб, яке Ғуломов Вайсиддин ва дигаре Шамсов Муҳаммад мебошанд, ки худ дар хориҷи кишвар қарор дошта, ҳабҳои наркотикиро тавассути мусофирони хатсайрҳо дохили ҳаргуна ашё ҷо дода, ирсол мекунанд.
Уничтожение незаконных наркотических веществ, архивное фото - Sputnik Тоҷикистон, 1920, 09.01.2021
Агентӣ гуфт дар як сол чӣ қадар маводи мухаддир мусодира шудааст
Кормандони милиса бо ҳабҳои ирсолнамудаи ин ду ҷавон, чандин сокинони пойтахтро дастгир намуданд, ки дар садади фурӯш ва паҳн намудани онҳо дар марказҳои дилхушиву дигар маконҳои тафреҳӣ барои ҷавонон машғул буданд.
Аз ҷумла, аз ду сокини 26 ва 29 - солаи пойтахт, 760 адад ҳабҳои экстазӣ дарёфту мусодира карда шуд. Инчунин аз сокини дигари 30 - солаи шаҳри Душанбе 1230 адад чунин маводи заҳрогин ошкор карда шуд.
Дар ҳамин ҳол, кормандони ниҳоди мазкур аз тамоми шаҳрвандони Тоҷикистон даъват намудаанд, ки овардану интиқол додани ҳаруна маводҳои шубҳанок ба Тоҷикистон худдорӣ кунанд.
РВУД дар шаҳри Душанбе мегӯяд, нисбати ду сокини шаҳри Кӯлоб бо моддаи 200 қисми 4 Кодекси ҷиноятии Тоҷикистон парвандаи ҷиноӣ оғоз гардида, онҳо расман дар пайгарди байналмилалӣ қарор доранд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала