Взятка, архивное фото - Sputnik Тоҷикистон, 1920, 28.04.2021
Парвандаҳои пурсарусадои корупсионӣ
Хабару гузоришҳо дар мавриди фасодкорӣ дар Тоҷикистону хориҷро аз ин пайванд метавонед пайдо кард

Эълони ном ва ҷазои се мақомдори баландпояи гумрук барои қочоқи 90 кило тилло

© Sputnik / Павел Лисицын / Гузариш ба медиабонкЗолотые слитки, архивное фото
Золотые слитки, архивное фото - Sputnik Тоҷикистон, 1920, 30.07.2021
Обуна шудан
Хадамоти гумрук ҳабси ду кормандашро ба иттиҳоми қочоқи тилло тасдиқ кард
ДУШАНБЕ, 30 июл — Sputnik. Хуршед Каримзода, раҳбари Хадамоти гумруки Тоҷикистон зимни нишасти хабарӣ гуфт, се корманди Хадамоти гумрук дар робита ба қочоқи тилло боздошт ва ба ҷавобгарӣ кашида шуданд.
Каримзода шарҳ дод, ки кормандони зертобеаш тартиби интиқоли молро вайрон карданд ва дар паи баррасӣ гуноҳашон пурра исбот шуд.
Ҳамин тавр, тибқи иттилои манъуслини Хадамоти гумрук ду корманди ин ниҳод ҳабс ва якеаш ҷарима баста шуд.

"Аз рӯи баррасии парвандаҳо нозири калони барасмиятдарорӣ дар дидбонгоҳи Панҷи Поён - Шарипов Маҳмадризо бо ҷарима шудан аз адои ҷазо озод шуд", - гуфт ӯ.

Ҳамчунин ду корманди дигар барои ду сол равонаи зиндон шуданд. Онҳо ҳам дар дидбонгоҳи гумруки Панҷи Поён фаъолият мекардаанд.
"Инҳо Аслонов Зариф - нозири калони дидбонгоҳи Панҷи Поён ва Сайфуллоев Қурбоналӣ мебошанд", - гуфт Каримзода.
Раҳбари Хадамоти гумрук афзуд, ки дар ин робита ба ҷониби Афғонистон дархост равон кардаст, вале аз он сӯ ягон маълумот нарасидааст.
"Мо маълумотро дастрас карда натавонистем дархост кардем, вале ман шахсан маълумот дастрас карда натавонистам, дигар намедонам чӣ шуд", - гуфт Каримзода.
Чемодан с деньгами, архивное фото - Sputnik Тоҷикистон, 1920, 30.01.2021
Тилло ва долларҳои қочоқӣ дар Тоҷикистон: кӣ аз куҷо ба куҷо мехост барад?
Қаблан Юсуф Раҳмон, додситони кулли Тоҷикистон, боздошти гуруҳи қочоқбар бо наздики 90 кило тиллою садҳо ҳазор фунт стерлингро тасдиқ кард, ки дар Фурудгоҳи байналмилалии Душанбе дастгир гардидаанд.
“Аз онҳо 89 килою 350 гр тилло, 489 638 риёл ва 200 000 фунт стерлинг, ки бо роҳи қочоқ ба шаҳри Дубайи Аморати Муттаҳидаи Араб интиқол дода мешуд, ёфта, мусодира гардид”, - изҳор дошт Юсуф Раҳмон зимни ҳисобот ба Маҷлиси миллӣ, таҳти раёсати Рустами Эмомалӣ.
Юсуф Раҳмон афзуд, ки маблағи умумӣ зиёда аз 10 миллион долларро ташкил медиҳад.
Боздошти гурӯҳ 15 ноябри соли 2020 сурат гирифтааст.
Слитки золото, архивное фото - Sputnik Тоҷикистон, 1920, 28.02.2021
Соҳибаш дар Душанбест: эълони номи молики 90 кило тиллою миллионҳо пул – видео
Қаблан бархе аз манобеи Sputnik Тоҷикистон гуфтанд, ин тиллову пулҳо аз Афғонистон ба Душанбе қочоқ шуда буд, мебоист ба Дубай баранд.
“Ин пулу тило аз тариқи марзҳо ба Тоҷикистон қочоқ шуда, гуруҳи қочоқбар мехост, онро тариқи Душанбе ба шаҳри Дубайи Аморати муттаҳидаи араб интиқол диҳад. Аммо дар фурудгоҳи шаҳри Душанбе ин гуруҳ боздошт ва пулу тилои онҳо мусодира шудааст”, - гуфта буд як манбаъ.
Лентаи хабарҳо
0