Чаро Путин ба сари Меркел "дод" мезад ва аз тарси чӣ канслер намехост бо ӯ рӯ ба рӯ шавад?

© Sputnik / Сергей Гунеев / Гузариш ба медиабонк Президент РФ Владимир Путин и федеральный канцлер Германии Ангела Меркель
 Президент РФ Владимир Путин и федеральный канцлер Германии Ангела Меркель - Sputnik Тоҷикистон, 1920, 30.07.2021
Обуна шудан
Меркел даҳҳо маротиба ба Путин занг зада буд, аммо ҷуръат намекард, ки ба Маскав ояд
ДУШАНБЕ, 30 июл — Sputnik. Соли 2014 замони бӯҳрони Украина, садри аъзами Олмон Ангела Меркел нахост аз тарси таҳқир шудан аз ҷониби президенти Русия Владимир Путин ба Маскав ояд.
Дар ин бора рӯзноманигор ва муаррих Ралф Боллман дар китоби "Ангела Меркел. Канслер ва замони ӯ", навиштааст.
Ёдовар мешавем, ки пас аз табаддулоти давлатӣ дар Украина дар соли 2014, Донетск ва Луганск истиқлолияти худро эълон карданд. Дар робита ба ин, мақомоти кишвар ба муқобили давлатҳои худхонда амалиёти низомӣ оғоз кард.
Рабочий визит президента РФ В. Путина в Японию для участия в саммите Группы двадцати. День второй - Sputnik Тоҷикистон, 1920, 30.07.2021
Ошкоро ва бо ҷанҷол: ҷузъиёти сӯҳбатҳои Путин ва Меркел ифшо шуд
Ба гуфти Боллман, Меркел "дахолати Маскав" -ро интизор набуд. Вай даҳҳо маротиба ба Путин занг зад, гарчанде ки хадамоти матбуотии расмии ҳукумати Олмон ҳамагӣ аз 27 суҳбати телефонӣ хабар дод. Аммо аз мулоқоти рӯ ба рӯ бо Путин меҳаросид.

"Аз сабаби имкони ками муваффақият, хавфи таҳқир шудан аз Путин ба вай хеле гарон менамуд", - таъкид кардааст нависанда.

Боллман қайд кард, ки аксари гуфтугӯҳои телефонии сиёсатмадорон бо "додзанӣ" мегузаштанд. Онҳо самимона сӯҳбат мекарданд ва аксар вақт ба сари ҳамдигар дод мезаданд.

"Путин бисёр, баъзан беохир, бештар аз нисфи вақт сӯҳбат мекунад" навиштааст журналист. Дар ҳолатҳои нозук, ба гуфти Боллман, раҳбари Русия эҳсосӣ ва ҳатто хашмгин мешуд.

"Номаълум буд, ки ин эҳсосоти воқеъӣ буд ё хайр", - қайд мекунад нависанда.
Ҳангоми чунин суҳбатҳо, Меркел бояд тамоми таҷрибаи андӯхтаашро дар гуфтугӯ истифода мекард.
Китоби 800-сафҳаӣ зиндагии "бонуфузтарин зани сиёсатмадор" -ро аз рӯзи таваллуд то соли 2021 дар бар мегирад. Як пораи асарро нашрияи C.H.Bek дар ихтиёри РИА Новости гузоштааст.
Лентаи хабарҳо
0