Ҳалокати донишҷӯи тоҷик дар садамаи нақлиётӣ дар Ню-Йорк: донандаи 5 забон буд

© InstagramИброҳим Азизов - ҷавони 24 -солаи тоҷики муқими ИМА
Иброҳим Азизов - ҷавони 24 -солаи тоҷики муқими ИМА - Sputnik Тоҷикистон, 1920, 01.08.2021
Ҷавони тоҷик дар пайи бархӯрд бо мошини боркаш ҷони худро аз даст дод
ДУШАНБЕ, 1 авг – Sputnik. Ҷавони 24 -солаи тоҷик Иброҳим Азизов дар шаҳри Ню-Йорк дар натиҷаи садамаи нақлиётӣ фоҷиабор ба ҳалокат расид.
Дар ин бора рӯзноманигори тоҷики муқими Амрико, Талабшо Муқимов дар саҳифааш дар Instagram хабар додааст.
Бино ба гузориш, садама субҳи рӯзи 31 июл соати 5 ба вуқӯъ пайвастааст.
Дар яке аз ҷодаҳои Манхэттен худрави ҷавони тоҷик - Рикша (мошини сечархаи мусофирбар - шарҳ аз идора) бо мошини боркаш бархӯрдааст.

Дар натиҷа Иброҳим Азизов ҷавони 24 - солаи тоҷик ба ҳалокат расидааст.

Ба қавли Талабшо Муқимов Иброҳим - ҷавони ботарбияву босавод, хушрафтор ва донандаи забонҳои тоҷикӣ, русӣ, англисӣ, чинӣ ва туркӣ будаасту ба варзиш ҳам шуғл доштааст.

"Дорои хислатҳои неки инсонӣ, ҷавони бо нангу номус ва Ватандӯст буд", - навиштааст Талабшо.

Донишҷӯи тоҷик, дар вақтҳои фориғ аз дарс дар сечархаи мусофирбари Рикша кор мекардааст. Ҳамкорони ӯ бо аҳли хонаводааш изҳори ҳамдардӣ мекунанд.

"Ҳама ронандагони ин ҷода, ки аз кишвархои гуногунанд аз ӯ имрӯз бо чашми гирён ёд мекунанд. Иброҳими ҷавонмарг акнун нақшаҳои худро нотамому орзуҳои Падару Модарашро бо худ бурд", - омадааст дар нома.
Дар зери наворе, ки Талабшо Муқимов ба ёди ҷавони ғӯрамарг нашр кардааст, корбарону ёру дӯстон бо аҳли хонаводаи марҳум изҳори ҳамдардӣ карда ба падару модари ҷавон сабри ҷамил хостаанд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала