Парвиз Турсунзода, писари хурдии Мирзо Турсунзода даргузашт

© Sputnik / Амир ИсаевМужчина молится на кладбище
Мужчина молится на кладбище - Sputnik Тоҷикистон, 1920, 02.08.2021
Парвиз Турсунзода солҳои зиёд дар Ироқ ба ҳайси тарҷумон кор мекард, вале баъдан ба ватан баргашт
ДУШАНБЕ, 2 авг — Sputnik. Фарзанди хурдии Қаҳрамони Ҷумҳурии Тоҷикистон, Мирзо Турсунзода даргузашт. Хабари марги Парвиз Турсунзодаро яке аз дӯстони ӯ, меъмори шинохта Олим Қурбонов дар сафҳаи Фейсбукии худ таъйид намудааст.
Қурбонов акси фарзанди Турсунзодаро нашр намуда, зери он навиштааст, ки Парвиз чанде қабл ба ӯ навишта будааст, ки "ӯро фаромӯш накунам".

"Ман аз куҷо медонистам, ки ӯ бо ман видоъ мекунад. Ба суолу нигарониҳои ман посух надод ва тасмим гирифтем, ки вомехӯрем, аммо дер кардам", - бо таассуф навиштааст, дӯсти марҳум.

Маълум нест, ки сабаби марги фарзанди Мирзо Турсунзода кадом маризӣ ва ё чӣ омиле будааст.
Парвиз Турсунзода, хатмкардаи риштаи шарқшиносии Донишгоҳи миллии Тоҷикистон буд ва солиёни зиёде дар Ироқ ба унвони тарҷумони забони арабӣ кор карда буд. Баъди бозгашт аз Ироқ дар чандин нашриёти Душанбе кор кард.
Марҳум дар идораи "Тоҷикфилм" тарҷумон буд ва филмҳои зиёди хориҷиро тарҷума карда буд. Пас аз он корманди Палатаи савдо ва саноати Тоҷикистон шуд ва солҳои ахир дар ширкати "Вавилон-Мобайл" кор мекард.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала