Вазири тоҷик гуфт буҷаи кишвар чӣ қадар даромад гирифтааст

© Пресс-служба Президента Республики ТаджикистанМинистр финансов республики Таджикистан Файзиддин Каххорзода
Министр финансов республики Таджикистан Файзиддин Каххорзода - Sputnik Тоҷикистон, 1920, 02.08.2021
Вазири молияи Тоҷикистон иттилоъ додааст, ки даромади буҷети ҷумҳурӣ дар ин давра 13,2 миллиард сомониро ташкил додааст
ДУШАНБЕ, 2 авг — Sputnik. Файзиддин Қаҳҳорзода, вазири молияи Тоҷикистон имрӯз зимни нишасти матбуотӣ хабар додааст, ки ҳаҷми умумии даромади Буҷети давлатӣ бо дарназардошти маблағҳои барои татбиқи лоиҳаҳои давлатии сармоягузорӣ ҷалбшуда ва маблағҳои махсуси муассисаю ташкилоти буҷетӣ ба 13,2 млрд сомонӣ баробар гардид.
Вай афзуд, ки иҷрои нақшаи нишондиҳандаҳои мазкур ба андозаи 106,5 фоиз таъмин гардид.
Инчунин вазири молия таъкид дошт, ки воридоти он нисбат ба нақша 809,6 млн. сомонӣ ва нисбат ба ҳамин давраи соли 2020 ба маблағи 3,4 млрд сомонӣ зиёд мебошад.
Файзиддин Қаҳҳорзода гуфт, ки хароҷоти буҷети давлатӣ дар моҳҳои январ–июни соли 2021 дар доираи нақшаи пешбинигардида ва даромадҳои воқеии буҷет амалӣ карда шуда, ба соҳаҳои иқтисодии кишвар зиёда аз 12,9 млрд сомонӣ равона гардид.
Таджикские деньги, архивное фото - Sputnik Тоҷикистон, 1920, 13.01.2021
Тоҷикистон барои пардохти музди меҳнат аз буҷа маблағи бештар ҷудо кард
Вай қайд кард, ки дар ин давра маблағҳои беҷет ба соҳаҳои мақомоти ҳокимият ва идоракунии давлатӣ 688,1млн сомонӣ, соҳаи маориф 2,4 млрд сомонӣ, тандурустӣ 1,1 млрд сомонӣ, ҳифзи иҷтимоӣ 1,9 млрд сомонӣ ва фарҳангу варзиш 492 млн сомонӣ, инчунин ба соҳаҳои хоҷагии манзилию коммуналӣ 713,7 млн сомонӣ, комплекси сӯзишворию энергетикӣ- 2,4 млрд сомонӣ, кишоварзӣ- 294,6 млн сомонӣ, саноату сохтмон- 84,3 млн сомонӣ, нақлиёт ва коммуникатсия- 820 млн сомонӣ равона гардидааст.
Ҳамзамон вазири молия илова кардааст, ки ба маблағгузории соҳаҳои иҷтимоӣ диққати махсус дода шуда, аз ҳисоби буҷети давлатӣ бо дарназардошти хароҷоти соҳаи хоҷагии манзилию коммуналӣ ба ин соҳаҳо 6,5 млрд сомонӣ равона гардид.
Экономический рост, архивное фото  - Sputnik Тоҷикистон, 1920, 18.02.2021
Ба буҷет 600 миллион сомонӣ кам ворид шуд: Кумита гуфт чаро нақшаи андоз иҷро нашуд
Гуфта шудааст, ки хароҷоти соҳаи мазкур 51 фоизи ҳаҷми умумии хароҷоти буҷети давлатиро ташкил менамояд.
“Бо мақсади таъмини уҳдадориҳои иҷтимоии давлат, аз ҷумла ба пардохти саривақтии музди меҳнати кормандони ташкилоту муассисаҳои буҷетӣ 3,2 млрд сомонӣ, идрорпулӣ 43 млн сомонӣ, нафақа 1,5 млрд сомонӣ, ҷубронпулӣ ва кумакпулиҳо дар ҳаҷми умумии 186 млн сомонӣ равона гардидаанд”, - зикр кард вазири молияи Тоҷикистон.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала