Вазорат: дар Тоҷикистон соли хониш барои синфҳои 1 аз август шурӯъ мешавад

© Sputnik / Амир ИсаевНачало учебного года в Таджикистане
Начало учебного года в Таджикистане - Sputnik Тоҷикистон, 1920, 02.08.2021
Вазорати маориф ва илми Тоҷикистон хабар додааст, ки дарси хонандагони синфи як дар Тоҷикистон аз 10 моҳи августи соли равон оғоз мегардад
ДУШАНБЕ, 2 авг — Sputnik. Эҳсон Сафарзода, сухангӯи Вазорати маориф ва илми Тоҷикистон хабар додааст, ки хонандагоне, ки имсол дар Тоҷикистон ба синфи 1 мераванд, шурӯъ аз 10-уми август ба рафтани мактаб оғоз хоҳанд кард.
Вай таъкид кардааст, ки хонандаҳои синфи як барои мутобиқшавӣ ба барномаҳои таълимӣ ба мактаб пештар ҷалб карда мешаванд.
Школьники на первом школьном дне в Душанбе - Sputnik Тоҷикистон, 1920, 16.08.2020
Беш аз 232 ҳазор ба синфи 1 мераванд: оғози соли хониш бо дарси Раҳмон
Сафарзода таъкид доштааст, ки давраи мутобиқшавии мактабхонҳо аввал 10 рӯз, то 20 август тӯл кашида, баъдан онҳо низ мисли хонандагони дигари мактабҳо 1 сентябр ба таҳсил оғоз мекунанд.
“Ҳар сол барномаи омодашавӣ аз 1 август шурӯъ мешуд, имсол бо дарназардошти пандемияи коронавирус ҳайати мушовараи Вазорати маориф ва илм тасмим гирифт, ки аз 10 август оғоз шаванд. Акнун хонандагони синфи 1 аз 10 то 20 август давраи мутобиқшавӣ гузашта, мисли дигар хонаннадгон таҳсилро аз 1 сентябр оғоз мекунанд”,-гуфт Сафарзода
Ёдрас мешавем, ки соли гузашта соли таҳсили 2019-2020 дар Тоҷикистон ба сабаби паҳншавии коронавирус каме барвақтар анҷом ёфта, мактабхонҳо қабл аз муҳлат ба таътили тобистона рафтанд. Соли гузашта дарсҳо аз 17-уми август оғоз шуда буд.
Бояд гуфт, ки расман дар саросари Тоҷикистон соли хониш аз 1 сентябр оғоз мегардад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала