Завқизода: новобаста аз паҳншавии коронавирус ва омилҳои беруна рушди иқтисод таъмин шуд

© Sputnik / Амир ИсаевМинистр экономики Таджикистана Завки Завкизода
Министр экономики Таджикистана Завки Завкизода - Sputnik Тоҷикистон, 1920, 02.08.2021
Вазири рушди иқтисод ва савдои Тоҷикистон гуфт дар ним соли равон новобаста аз пандемияву омилҳои беруна иқтисоди кишвар рушд кардааст
ДУШАНБЕ, 2 авг — Sputnik. Завқи Завқизода, вазири иқтисод ва савдои Тоҷикистон имрӯз зимни нишасти матбуотӣ қайд кардааст, ки ҳаҷми маҷмӯи маҳсулоти дохилӣ (ММД) дар ин давра дар ҷумҳурӣ 39,9 миллиард сомонӣ ва суръати рушди воқеии он 8,7 фоизро ташкил дод.
Ба гуфтаи вай ин нишондиҳанда нисбат ба ҳамин давраи соли гузашта 5,2 банди фоизӣ зиёд ва дар панҷ соли охир нишондиҳандаи баландтарин мебошад.
вай афзуд, ки дар ин давра рушди ММД аз ҳисоби афзоиши ҳаҷми истеҳсоли маҳсулоти саноатӣ- 23,4 фоиз, кишоварзӣ- 8,1 фоиз, маблағгузорӣ ба сармояи асосӣ- 22,1 фоиз, мусофиркашонӣ- 19,6 фоиз, гардиши савдои дохилӣ- 17,2 фоиз, боркашонӣ- 2,2 фоиз, хизматрасонии пулакӣ ба аҳолӣ- 13,2 фоиз ва гардиши савдои хориҷӣ- 42,8 фоиз таъмин гардид.
Купюра достоинством в 1 доллар США. - Sputnik Тоҷикистон, 1920, 27.07.2021
Ба ҳад расид: Вазорати молияи ИМА аз таҳдиди рукуди иқтисод гуфт
Инчунин оқои Завқизода илова кард, ки сатҳи таваррум дар ин давра ҳамагӣ 3,9 дарсадро ташкил дод, ки он ҳам аз ҳисоби 5,1 дарсад болоравии нархҳои маҳсулоти озуқаворӣ, 3,1 фоиз молҳои ғайриозуқавӣ ва 1,6 фоиз тарофаҳои хизматрасонии пулакӣ ташаккул ёфтааст.
Завқӣ Завқизода зимни нишасти матбуотӣ қайд кард, дар иртибот ба пешгирии таъсири хавфҳои эҳтимолӣ ба иқтисоди миллӣ ва таъмини устувории макроиқтисодии кишвар, истифодаи самараноки имконияту захираҳои мавҷуда, аз қабили заминҳои кишоварзӣ ва ҷалби сармояи ватниву хориҷӣ новобаста ба таъсири омилҳои беруна дар ин давра рушди иқтисоди миллӣ таъмин гардид.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала