Куштор дар ҳолати сархушӣ: бо мушту лагад ҳамқадаҳашро беҳуш карду аз ҷайбаш пул дуздид

CC0 / Pixabay / Похмелье, архивное фото
Похмелье, архивное фото - Sputnik Тоҷикистон, 1920, 03.08.2021
Нисбати гумонбаршаванда бо моддаи 110 қисми 3 ва 249 қисми 3 Кодекси ҷиноятӣ парвандаи ҷиноӣ кушода шуда, тафтишот идома дорад
ДУШАНБЕ, 3 авг — Sputnik. Дар ноҳияи Ҷайҳун ҳодисаи куштор дар заминаи шаробмастӣ рух додааст, хабар медиҳад дафтари матбуоти Вазорати умури дохилаи Тоҷикистон.
Ба иттилои манбаъ, ҳодиса шаби 30 июл, соати 23:30 дақиқа дар соҳили канали обгузари ҷамоати деҳоти Панҷи ноҳияи Ҷайҳун рух додааст.
Гуфта мешавад, сокинони ноҳияи Ҷайҳун назди соҳили канал машруботи зиёд истеъмол намуда, сипас миёни онҳо муноқиша бархост.
"Марди 32 - сола бо мушту лагад ба қисмати сару рӯи марди 42-сола якчанд зарба зада, ӯро беҳуш кард", - омадааст дар хабар.
Зимнан, аз ҷайби марди беҳушшуда 300 сомонӣ гирифта аз ҷойи ҳодиса фирор кард. Ҷабрдида дар ҷойи ҳодиса аз ҷароҳатҳои бардошта ҷон аз даст дод.
Нож в руке, архивное фото - Sputnik Тоҷикистон, 1920, 14.07.2021
Боз куштор: ҷавони 20 -сола дар Рашт ҳамдеҳаашро корд зад
ВУД Тоҷикистон маегӯяд, нисбати гумонбаршаванда парвандаи ҷиноятӣ бо моддаҳои 110 қисми 3 ва 249 қисми 3 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала