Борон ва раъду барқ: пешгӯии дақиқи обуҳаво дар Тоҷикистон

© Sputnik / Амир ИсаевЧайхана Рохат, архивное фото
Чайхана Рохат, архивное фото - Sputnik Тоҷикистон, 1920, 04.08.2021
Обуна шудан
Дар аксари минтақаҳои Тоҷикистон боридани борони кӯтоҳмуддат ва ба амал омадани раъду барқ пешгӯӣ мешавад
ДУШАНБЕ, 4 авг — Sputnik. Ожонсии обуҳавошиносӣ мегӯяд, дар аксар минтақаҳои Тоҷикистон боридани борони кӯтоҳмуддат дар назар аст.
Ба иттилои манбаъ. дар ВМКБ ҳаво тағйирёбанда шуда, дар ноҳияҳои алоҳида бориши сусти борон ба амал меояд. Дар ғарби вилоя шабона 14+19 ва рӯзона 29+34 дараҷа гарм мешавад. Дар шарқи вилоят ҳаво шабона 2+7 ва рӯзона 14+19 дараҷа гарм мешавад.
Ҳаво дар вилояти Суғд тағйирёбанда шуда, дар ноҳияҳои алоҳидаи кӯҳӣ бориши сусти борон ва раъду барқ ба амал меояд. Вазиши шамол дар аксар ноҳияҳо дар як сония то 10- 15 метр мерасад. Ҳаво дар водиҳо шабона 21+26 ва рӯзона 33+38 дараҷа гарм мешавад.
Дар вилояти Хатлон ҳавои камабр ва тағйирёбандаи бебориш дар назар аст. Шамол то 10-15 метр дар як сония мевазад. Ҳаво дар водиҳо шабона 20+25 ва рӯзона 36+41 дараҷа гарм мешавад.
Дар шаҳру ноҳияҳои тобеи марказ ҳаво камабр ва тағйирёбанда шуда, дар ноҳияҳои алоҳидаи кӯҳӣ борони кӯтоҳмуддат меборад. Раъду барқ ба амал меояд. Ҳаво дар водиҳо шабона 18+23 дараҷа гарм ва рӯзона 34+39 дараҷа гарм мешавад. Дар ноҳияҳои кӯҳӣ ҳаво шабона 12+17 ва рӯзона 26+31 дараҷа гарм мешавад.
Дар шаҳри Душанбе ҳавои камабри бебориш дар назар аст. Шамол аз самти шарқ бо суръати 4-9 метр дар як сония мевазад. Ҳаво шабона 20+22 ва рӯзона 37+39 дараҷа гарм мешавад.
Лентаи хабарҳо
0