Бо як ҳавопаймо: Раҳмон ва Бердимуҳаммадов ба сайри бандари Туркманбошӣ рафтанд

© Facebook/Хадамоти матбуоти Президенти ТоҷикистонЭмомалӣ Раҳмон ва Қурбонгулӣ Бердимуҳаммадов
Эмомалӣ Раҳмон ва Қурбонгулӣ Бердимуҳаммадов - Sputnik Тоҷикистон, 1920, 05.08.2021
Обуна шудан
Сарони давлатҳои Тоҷикистону Туркманистон савори як ҳавопаймо ба тамошои бандари баҳрии байналмилалии Туркманбошӣ рафтанд
ДУШАНБЕ, 5 авг — Sputnik. Сафари кишвардори Тоҷикистон, Эмомалӣ Раҳмон дар Ҷумҳурии Туркманистон идома дорад.
Котиботи Президент хабар медиҳад, ки раисиҷумҳурон рӯзи 5 август ба сайри шаҳри Туркманбошӣ рафта аз бандари байналмилалии баҳрӣ дидан карданд.
Гуфта мешавад дар даромадгоҳи бинои маъмурии бандар, Эмомалӣ Раҳмонро роҳбарияти он истиқбол гирифт.
Зимни шиносоӣ бо бандари баҳрӣ, кишвардори Тоҷикистон бо роҳбарияти он ташкили ҳамкории пурсамар оид ба интиқоли молу маҳсулоти Тоҷикистон, истифодаи ин марказ барои баромадан ба бозорҳои кишварҳои дигар ва ба роҳ мондани воридоту содироти маҳсулоти мухталифи Тоҷикистон суҳбат кард.
Эмомалӣ Раҳмон, раисиҷумҳури Тоҷикистон ва Қурбонгулӣ Бердимуҳаммадов, раисиҷумҳури Туркманистон - Sputnik Тоҷикистон, 1920, 04.08.2021
Натиҷаи мулоқоти Раҳмону Бердимуҳаммадов: 19 санад имзо шуданд - рӯйхат
Таъкид гардид, ки ба роҳ мондани робита ба воситаи бандари баҳрии байналмилалии Туркманбошӣ яке аз омилҳои муҳими таҳкиму тавсеаи муносибатҳои Тоҷикистону Туркманистон дар самти ҳамкории соҳаи нақлиёт гардида, барои ҳар ду ҷониб судовар хоҳад буд.
Дар робита ба ин, Эмомалӣ Раҳмон ба Вазорати нақлиёт, Вазорати саноат ва технологияҳои нав ва ба роҳбарияти Корхонаи Воҳиди Давлатии “Роҳи оҳани Тоҷикистон” оид ба истифодаи пурсамари ин бандар дастуру супоришҳо дод.
Ёдовар мешавем, ки дар пайи музокироти сатҳи олӣ Эмомалӣ Раҳмон ва Қурбонгулӣ Бердимуҳаммадов ба Изҳороти муштарак имзо гузоштанд. Дар ҳузури роҳбарон инчунин 19 санад имзо гардиданд, ки аз савдо то санъату фарҳанг, ҳамлу нақли мол, мусофирбарӣ ва ғайраро дар бар мегиранд.
Лентаи хабарҳо
0