Хушшонс буд: видоъ дар шабакаҳои иҷтимоӣ бо халабони чархболе, ки дар ВМКБ суқут кард

© Ростех / Антон ТушинВертолет Ми-8АМТШ-ВН
Вертолет Ми-8АМТШ-ВН - Sputnik Тоҷикистон, 1920, 06.08.2021
Дӯстони халабони чархбол, ки дар Тоҷикистон фавтид, менависанд, ки ӯ мутахассиси ботаҷриба буд
ДУШАНБЕ, 6 август - Sputnik. Пас аз суқути чархболи наҷотбахш дар кӯҳҳои Тоҷикистон паёмҳои одамоне, ки аъзои экипажро мешинохтанд, дар шабакаҳои иҷтимоӣ пайдо шуданд.
Яке аз паёмҳо таслиятиро Акмал Усмонов, амаки овозхони маъруфи тоҷиктабори Русия Манижи Сангин нашр кардааст.
"Серёга, ман намехоҳам бовар кунам, ки ту дигар нестӣ! Ту бахтёр будӣ! Ту ҳамеша хушшонс будӣ! Оё ин дафъа воқеан дигар аст?!" - навиштааст ӯ дар Фейсбук.
Усмонов навиштааст, ки чархболҳо наметавонанд дар чунин баландӣ фуруд оянд, аммо халабон тавакал кардааст. Вай инчунин тахмин мекунад, ки пилот ҳангоми наҷот додани ҷони дигар аъзои экипаж ҳангоми фуруд худро қурбон кунад. Дар шарҳҳои ин паём сокинони Тоҷикистон ба хонавода ва наздикони халабони ҳалокшуда ҳамдардӣ баён мекунанд.
Ёдовар мешавем, ки аввалин гузоришҳо дар бораи суқути чархбол дар кӯҳҳои Тоҷикистон баъд аз зӯҳри 5 август пайдо шуда буданд.
Бино ба иттилоияе, ки аз ассотсиатсияи туроператорони кишвар ба РИА Новости додаанд, чархболи Ми-8-и хадамоти сарҳадии Тоҷикистон барои амалиёти наҷотдиҳӣ ба ҳаво баромада, дар наздикии деҳаи Пойи Мазори ҷамоати Рованди ноҳияи Ванҷи ВМКБ суқут кардааст.
Тибқи маълумоти пешакӣ, ҳайати чархбол барои кӯчонидани ҳафт сайёҳи рус, ки рӯзи 28 июл бонги изтироб фиристода буданд, парвоз мекард.
Мақомот то кунун дар бораи ҳайати боқимондаи чархбол ва тақдири сайёҳон расман иттилое надодаанд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала