Мақомот гуфтанд, барои вуруди Тоҷикистон ба Иттиҳоди иқтисодии АвруОсиё чӣ монеъ мешавад

© Sputnik / Asatur YesayantsФлаги стран участниц ЕАЭС, архивное фото
Флаги стран участниц ЕАЭС, архивное фото - Sputnik Тоҷикистон, 1920, 10.08.2021
Обуна шудан
Тоҷикистон қабл аз қабули қарор дар бораи шомил шудан ба Иттиҳоди иқтисодии АвруОсиё иқтисодиёти кишварҳои узви ин созмонро таҳлил хоҳад кард
ДУШАНБЕ, 10 авг — Sputnik. Тоҷикистон барои ҳалли масъалаи шомил шудан ба Иттиҳоди иқтисодии АвруОсиё вақт лозим дорад. Дар ин бора ба РИА Новости вазири рушди иқтисод ва савдои кишвар Завқӣ Завқизода хабар дод.
"Иттиҳоди иқтисодии АвруОсиё як созмони ҷавон аст, аз ин рӯ, ҳоло баҳо додан ба ҳама ҷиҳатҳои мусбат ва манфии пайвастани ҷумҳурӣ ба ин Иттиҳод имконнопазир аст", - гуфт ӯ.
Ба гуфтаи Завқизода, мақомоти Тоҷикистон таҷрибаи кишварҳои узви Иттиҳод бо иқтисодҳои шабеҳро меомӯзанд ва таҳлил мекунанд. Пеш аз ҳама, инҳо Қирғизистон ва Арманистон мебошанд.
Тоҷикистонро дар ИИАО чӣ интизор аст?
Вазир таъкид кард, ки дар масъалаи шомилшавии ҷумҳурӣ ба Иттиҳоди иқтисодии АвруОсиё шитоб кардан маъно надорад. Таҳияи омори намунавӣ оид ба фаъолияти иқтисодии созмон метавонад солҳо тӯл кашад.
"Омори кӯтоҳмуддат ба таҳлили мукаммал имкон намедиҳад", - гуфт Завқизода.
Вазир афзуд, ки Тоҷикистон бо ҳамаи кишварҳои узви ИИАО ҳамкорӣ мекунад. Шарикони асосии тиҷоратии кишвар Русия ва Қазоқистон мебошанд. Илова бар ин, сармоягузориҳо ба ҷумҳурӣ тавассути Бонки Авруосиёии Рушд ворид мешаванд.
Политолог Андрей Арешев  - Sputnik Тоҷикистон, 1920, 17.02.2021
Эрон метавонад вориди Иттиҳоди иқтисодии АвруОсиё шавад: шарҳи Арешев
Ёдовар мешавем, ки музокирот дар бораи вуруди Тоҷикистон ба ИИАО чанд сол боз идома дорад. Ба гуфтаи коршиносон, аз чунин иқдом назар ба камбудиҳо бартариҳои зиёдтар вуҷуд доранд.
Пеш аз ҳама, узвият дар Иттиҳод ба кишвар имкон медиҳад, ки потенсиали тиҷоратӣ ва сармоягузории худро боз кунад.
Лентаи хабарҳо
0